真係想不到換 sofa 會遇到一些怪事,三個幾月前,我在一間大傢俬公司訂購咗一套電動梳化椅背可向後移,前可向前伸出把腳放上的真皮梳化,因小女話要坐得舒服睇韓國仔的演唱會 DVD 和六張食飯檯的餐椅.因梳化是要訂製,交貨期要10個星期左右,而我問朋友,我家有套三坐位和兩張單坐位的舊真皮梳化有冇人要?朋友說他的越南華人同事想要,朋友話他怕來我家搬的時侯麻煩,又要揾人幫手,又要安排貨車,我說不麻煩,當運輸公司送我套新梳化來時,我叫他門將我套舊的送去他家,搬運費我幫他比埋,他說好呀,多謝先.
過了大約一個多星期,他叫朋友講比我聽,話他的客廳太細,唔想要啦,既然如此,只好捐去救世軍 Salvos stores,網上填好清單,物品是一套三坐位和二張單坐位,另外六張餐椅,請他們安排時間上門來搬,我收到通知兩個星期後的下午會有人來搬.
過了好幾天的晚上,我朋友和他同事夫妻到訪,話想睇下套梳化和餐椅,我說己經安排好捐去救世軍士多Salvos stores,他話原來我套梳化咁新淨,好想要,叫我打電話比救世軍取消捐贈,我說唔係咁好,救世軍己安排好貨車啦,他當場扁咀,後來又同我朋友說,情願捐比唔識的都唔願益佢,朋友仲話比我知,佢一直唔信套梳化係好新淨,只用咗幾年,點解唔賣比人,做乜問人要唔要?
============================================
感謝 wai 提供以上資料
wai的網誌: http://ngwai.blogspot.hk/
============================================
