0

叮噹帶你去到yblog最終完結篇

Mary 於 2013-10-27 17:25:25 發表  |  累積瀏覽 695

分類:玩具精品

終於嚟到Yahoo Blog既第100篇,亦都係最後一篇。
之前響sina都有寫開blog, 但因為覺得果邊無咁多功能就轉左去yahoo。睇返響yahoo開始寫blog係今年5月既事,原 來只係5個月!感覺好似好耐咁, 可能因為一向都有響yahoo刨文既關係卦。一開始寫, 純粹係為左消磨時間,因為我實在太得閑啦! 順手將自己煮既嘢寫低, 容易搵食譜。點知平時3分鐘熱度既我竟然變得好好心機咁寫, 大家都好驚訝呢!好快地, 我的blog直頭變咗我每日都會巡視既地方, 而最開心既bonus係可以認識到一群志同道合的blog友, 當中好多都係煮食高手, 獲益良多呢!又有些係貓狗友, 岩晒咀型! 好開心大部份人都搬過來同一地方不用四散呢!
之前一路唸出咩響最後一篇, 最後決定就用我最愛 ,我呢個人係一個黑白分明無灰色地帶既人, 只有最愛和最憎。只要愛上, 就會不顧一切。我就決定放上最愛的東西!用我最愛的東西做完結篇我覺得係完美既句號。最愛的係叮噹!強調係叮噹, 唔係多啦A夢!我的收藏大多都係朋友送, 梗係以我老公為首!但近年我已經叫咗佢唔好再送, 因為我已經大個女啦!hahha...而且真係太太太多啦!打包入倉都有幾箱!所以要出呢個post絕對係嘔心瀝血, 因為我要摷晒出黎影相係絕對做唔到, 其實有好多都溶入咗響我間屋裡, 如果要影晒等於將屋企晒冷, 所以我只好把平時在家display出黎果d分享給大家^^

第一個先來我最喜歡的音樂盒, 夠大吧!係要插插蘇用的, 係當年仲係男朋友的老公送的, 他直接由日本訂返黎, 有4首歌, 當開動時, 每一個叮噹都會演奏(動), 我其中一個最愛!



呢個唔係好記得係因咩事出產, 應該係唔知做咩然後加錢換既, 又係老公送, 佢又點會逐個逐個換, 係一次個炒買返黎, 仲鬼咁有心機放埋上架呢!


唔齊既叮噹漫畫, 有幾本仲係初版添, 好彩最起碼有第一期, 裡面既叮噹仲未成型, 個樣有D怪..haha..雖然唔齊但我都覺得好珍貴!




便利店叮噹, 呢個真係儲, 又同人換, 收買晒身邊所有同事朋友先齊, 過程嘔心瀝血, 但值得既, 不但因為係叮噹, 仲要係我最中意又儲開既印仔


可以打開, 印台就響裡面, 有唔同顏色, 好明顯我無印過, 點捨得呀!

叮噹不倒翁, 後面的是印仔不倒翁, 前者是一個長輩送的, 好明顯我愛叮噹的形象極度深入民心, 後者是我自己買, 便利店產品。


我好中意呢套叮噹扭蛋機, 是大妹妹送的, 她是扭蛋常客, 呢套小小扭蛋機係在大大扭蛋機扭出來的, 而它們是真的可以扭蛋, 前面的蛋是我剛扭出來!


叮噹folder同埋鉛筆, 又是便利店物品!
叮噹杯墊+holder
叮噹場景, 我而家先記得我有呢套嘢..haha
一堆叮噹棋呀,玩具呀,好可愛呢!

搵到一箱嘢, 左邊好明顯響sogo買的玩具, 右邊那箱係兩套要砌既擺設, 但我唔想砌啦, 好攰呢!影咗就係啦...haha..最後一篇都咁懶!


同 場加映 - 就係小時候好愛的黃金戰士, 好冷門呢!我好記得細個仲讀幼稚園時, 知道心儀的男同學仔中意, 就死螺阿媽買黃金戰士貼紙給我, 剪下一小角送給他, 點知因為太細張唔見咗,勁失落, 有日拎本書出嚟, 貼紙就夾在書中, 書一拎出貼紙就fing了出來, 正好fing在男同學的枱上!至此我發誓要和他愛同一樣東西..haha..這誓言竟守到已變成成年人的我!此事竟然一直印響心上瀝瀝在目, 我連點螺阿媽都仲記得, 呢段係秘史, 從來無同人講過呢!估唔到只是讀幼稚園的我已識得溝仔,haha..但產品太少了,都係大個時追加的!
後面的是超合金, 咁貴梗係老公送, 前面矮的係當年既扭蛋, 係上網投既!

其實仲有足本既黃金戰士全集VCD, 亦都係上網高價投返嚟, 不過亦都入咗倉lu



嚟到最後, 就算我寫千萬字都有畫上句號的一刻, 好開心在此認識的你, 你同埋你!
之前的都是在google寫再copy過yahoo, 呢一篇我是在yahoo直接寫的。第100次, 亦都係最後一次, 在這裡按上"發表", 希望在新地方可以看到全部的你們...

2013年10月27日凌晨2:03..3,2,1..發表。



感謝 Mary 提供以上資料

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:
83
2013

累積瀏覽 48292

全部攻略 83

全部回應 4