呢排咁鬼乾燥, 要密集式食一D潤潤既食物!本來唸住煲我最愛既爆薑蕃薯糖水, 點知老公一聽到"薑"字, 即時淚奔, 因為薑係我既知己, 變相佢都要同薑做好朋友, 但佢話呢排見得太多, 要絕交一排喎..haha..okok..就返佢一次, 於是就整左呢個糖水啦!
整完自己碎碎唸,叫"滋潤椰香芋頭西米露"?定叫"香甜芋頭椰汁西米露"?..bala bala...
點知響遠處打機既老公眼尾也不望我一眼突然講左句:叫椰西芋!
我 : 咩呀...你同我講野呀??
佢 :..........
我 : 個名咁怪!
佢 : .........
我 : 好難令人明喎!
佢 : ..........
我 : 咁攪笑..(唸唔到講咩搵野講)
佢 : ...........
我: 其實你係咪同我講野??
okok, get到!唔中意講野麻!椰西芋咪椰西芋lor..haha
其實我好鬼憎整西米, 好叉煩, 過水時, 用太密既篩又塞實晒,用疏窿既又奉旨漏咁D落洗碗盤, 一個唔小心跌幾粒落地下見唔到, 痴到周圍都係, 煩死人!不過雖然咁叉煩, 當食時, 就會覺得咩都值得!因為真係好香好滑好好味!!OK, 廢話講完, 講食譜!
材料 :
1. 芋頭
2. 西米
3. 椰奶
4. 冰糖
做法:
1. 西米依包裝煮法, 滾水下西米煮一分鐘, 上蓋熄火焗20分鐘至全透明, 盛起過水隔水備用。
2. 芋頭切舊狀, 滾水下煲, 煮至可以用筷子篤穿即可。
3. 留起幾舊食又好裝飾又好, 其他壓成蓉, 其間用煲芋頭水煮溶冰糖
(呢個step有d錯, 唔好用叉壓成蓉, 要用攪拌機/捧, 咁先夠滑!原因如下)
4. 把芋蓉回煲
(頂!但放到入水一pat pat溶唔到入水, 最終都係要出動攪拌捧, 打至滑身!!)
5. 西米回煲
6. 加入一湯匙椰奶
(嘩!倒入時好靚好迷幻呀!)
wei ar!!!估唔到咁好食呀, 勁香芋頭味, 又滑!有一絲絲椰子香!又有西米煙un!
