29-4-2014 (星期二)
大人Ｄ老友同我地報咗個東莞兩日團，主要係飲飲食食，景點就得幾個，最重要唔辛苦，夠Hea，啱哂我！
晨咁早就搭車到落馬洲，滙合埋Ｄ老友就過福田，喺口岸大樓門口，揾埋個領隊導遊就上車出發。
再過深圳灣接埋幾個團友就直跴東莞。
兩個鐘度就到過東莞喇！
一到埗首先去食中午飯先。
呢餐叫做東莞地道滋味宴。
香蒜白切雞。
紅青蘿蔔煲排骨老火湯。
燒腩仔(好正！不過就少咗Ｄ啫)。
五色飯。
香菇肉碎薈津白。
木耳炒時蔬。
客家釀豆付。
豉汁蒸爽肉。
清蒸鯇魚。
釀雞脾菇。
車厘茄
飯后甜品糖不甩。
食飽飽就上車到第一個景點，東莞八景之一「虎英疊翠」。
影吓門口個招牌先。
裏面湖光山色又幾靚吓喎！
Ｄ荔枝打哂花，今年會大豐收。
有好多雕像。
真奇怪！連鬼佬雕像都有。
呢個雕像就知係乜水喇，後面寫住華陀。
行幾拾級梯就上到最高點，我地上埋去呢座亭台樓閣參觀。
行完「虎英疊翠」，上車去下一個景點「壩頭文化創意休閒區」。
好快又到咗「壩頭文化創意休閒區」。
行到攰攰地，整番碗豆付花食吓先，每碗只賣兩蚊，低食！
食完豆付花就上車番酒店。
我地入住呢間叫～「嘉映玥精品酒店」（準五星）。
呢間酒店Ｄ房間唔錯。
沖過涼，瞓咗一陣就落5/F食海鮮自助晚餐。
趁住仲未食得，週圍影吓相先。
黃骨魚。
開餐喇！我嘅第一擊，首選食海鮮。
牛雜河。
熟食。
再黎刺身。
煎咗條倉仔食吓。
你睇，我同大人裝嘅雪糕幾大杯！
食飽就出街，行咗陣就番酒店。
因為今朝早起身，凡乎冇瞓過，所以嘆埋杯靚奶茶，睇陣電視就瞓覺覺豬喇！
30-4-2014 (星期三）
是夜一宿無話，早上冇切定幾點起身，不過我地都係七點就起床，梳洗好就落樓食早餐。
食咗早餐，番房執埋Ｄ行理，落大堂等上車。
上車你話去邊呢，原來又係食，今次去嘆一個「無窮無盡環球海鮮自助大餐」！
呢間（人山人海）嘅「無窮無盡環球海鮮自助大餐」，的確係名不虛傳喎！
揾好位，坐定定等開餐。
我嘅頭一碟梗係生蚝同埋魚剌身喇。
呢位老友記係呢團最大年紀嘅！
大人同我都好鐘意食生蚝，所以佢一碟呀我一碟。
須然Ｄ蚝唔算肥美，但係比香港嘅「文華東方洒店」果Ｄ生蚝好味得多！
現場仲有歌手演唱欣賞。
連熱食都唔差。
甜品我食咗兩盅都係椰汁雪耳木瓜燉雪蛤羔。
大人就食榴槤班戟同其他甜品。
食飽飽就週圍參觀吓。
跟住上車往景點「歡樂海岸」參觀。
參觀完「歡樂海岸」就上車回深圳福田回港喇。
喺福田口岸過埋關，番到屋企都未夠八點。
感謝 白果魚神 提供以上資料
白果魚神的網誌: http://a991952.blogspot.hk/
