24-6-2014 (農曆五月廿七)
噚晚Ｄ金古有番咁上吓大，今晚就乘勝追擊，睇有冇再大Ｄ釣吓先；又係六點零鐘落到主場，開好竿鈎粒餌落去好快就比泥鯭化咗，好！既然Ｄ泥鯭咁搶口，見又幾大條吓，咁就谷鬼氣釣佢先，釣咗都有十幾條，見佢開始收口就即改釣番金古，果然即刻有魚訊，不過食得好精口，一口餌大約食咗五六分鐘先中第一條，上黎係條得二三両嘅幼齒，隨釣隨放，第二條上黎都有六七両，即落生籠再繼續，點知又係一起流Ｄ金古都收埋口，幾個鐘一口魚訊都冇，要等到十一點幾先開始有番Ｄ魚訊，連釣三條，有條睇落都有磅頭，望吓個錶，巳經係零晨一點幾，既然有條磅頭，算把喇，費事再磨落去，有魚留番下次釣，執埋架生去宵夜喇喂～
哈哈～卒之有條磅頭。
金古同泥鯭都大咗。
感謝 白果魚神 提供以上資料
白果魚神的網誌: http://a991952.blogspot.hk/
