24-7-2014 (農曆六月廿八)
見噚晚釣金古釣得咁過引，今晚一於再到主場做佢世界，霖出門口，大人話噚晚Ｄ魚都比你釣哂喇，今晚如果冇就早Ｄ番，煲定湯等你番黎飲；我都未聽完佢講就急急腳攞埋架生鼠出門口喇！
落商場買半磅麵包，飛車落到主場，開好竿一落餌就就有魚接餌，食到扯竿添，一抽就中，收上黎原來係條雞泡，麻鬼煩，仲比佢咬断條子線添，屎屎氣挷過鈎落餌繼續，好彩跟住黎嘅係金古魚訊，連起兩條，呢個時候，老友；「鴻哥」聞風而至，齊齊玩金古，一路有講有笑，其間大家都有魚中，一路釣到十二點先肯執野走，仲一齊去宵夜添。
乘勝追擊，又中磅頭金古。
有魚要盡釣。
感謝 白果魚神 提供以上資料
白果魚神的網誌: http://a991952.blogspot.hk/
