17-6-2014 (農曆五月二十)
早輪天氣唔好，一排冇釣魚，今日天氣較為好Ｄ，咁就摷番雪柜裏面Ｄ千年虾仁，仲攞埋上次釣剩果兩塊麵包，落主場儍吓先。
18:00落到主場，除咗釣金古，我仲開多枝竿，鈎粒虾仁釣吓沉底，睇有冇符碌；開頭都有Ｄ泥鯭喺度搶餌，釣到七點幾先開始有番Ｄ金古魚訊，机不可失，小心鈎粒靚餌落去，當條金古食到懵盛盛嘅時候，一抽即中，唔係大野，三兩吓就收佢上黎，解鈎落生籠，嗱嗱聲落餌繼續，咁就喺呢半個鐘，一連比我再起多三條，跟住就停哂口，流水越行越勁，算把喇！收起釣金古果枝竿，去另一位置釣吓沉底先得，點知釣咗兩個鐘，一口都未咬過，望吓個錶，又十點幾拿，時間過得真快，又係時候講拜拜喇！執埋Ｄ架生就番屋企囉喂～
唔好咁簡擇有得釣就好釣喇。
釣番幾條魚壓吓冰箱先。
感謝 白果魚神 提供以上資料
白果魚神的網誌: http://a991952.blogspot.hk/
