老爺平日比較認真嚴肅，不過被我發現了他很喜歡我的曲奇。佢冇直接同我講，不過我見到佢同個孫（車輋的堂細佬）爭食！
我之前幾年聖誕節都有做曲奇給家人作聖誕禮物，不過去年因為想搞搞新意思，每個家庭做了一盒馬卡龍。不過仍然做了一些曲奇，想話邊個想食都可以一齊食。不
過被我發現，曲奇出場冇耐，老爺成袋曲奇袋埋咗，據為己有。（咁其實我又冇話乜嘢一齊食，可能佢真係以為送俾佢only)
咁行出行入玩嘅堂細佬（三歲）食食下曲奇，見成袋唔見咗，就話想食曲奇，爺爺就喺個袋度拎袋曲奇出嚟，比一塊佢，之後又收返埋成袋，如是者重複左兩三次。其實我在旁係睇得幾開心嘅，難得有樣嘢老爺鍾意。
早幾個星期日family lunch,
平日一向係去老爺奶奶屋企，不過嗰朝有突發事件，老爺奶奶張餐檯加長時成張散咗，於是臨時改左去堂細佬屋企食。我本來星期六已經整定咗啲曲奇，諗住星期日
帶去爺爺嫲嫲屋企一齊食，有剩就歸佢地所有，咁臨時轉左場，袋曲奇就變咗係送俾堂細佬。爺爺問個孫可唔可以請佢食一塊，之後又氹佢話，不如爺爺帶返屋企，
咁你來我屋企就有得食咁細佬當然唔肯！
上星期又去爺爺嫲嫲屋企食lunch, 咁又啱啱過咗父親節，多一個原因可以氹下老人家開心，所以就同車輋一齊做了這些字母曲奇。
牛油100g
糖 80g
蛋黃一隻
低筋麵粉200g
所有材料混合好後放入食物袋，然後放入雪櫃雪硬備用（一小時以上）。壓平印好形狀後，放回冰箱定型一會兒，160度焗12-15分鐘。
P.s 車輋和爺爺及爺爺的爺爺都有著一樣的名字。
感謝 Grace 提供以上資料
Grace的網誌: http://heartsoupkitchen.blogspot.hk/
