其實我真係掙扎左好耐, 將唔將呢堆野放上blog, 因為佢地個樣實在太得意啦!haha..但礙於佢地齋樣衰其實好好味既關係, 我都係要放上黎!
自從棉花糖1,棉花糖2後, 我真係不到黃河心不死要再整多次棉花糖, 不過呢個係終極篇了, 因為我自認為已成功..haha...另一方面我亦覺得我係毫無天份..haha...
我整完之後, send左比焙烘友同事,
佢只係send左句:咩黎架?
我:棉花糖!
佢再話:真係睇唔出!
我:哼哼!
跟住我又send比我老公, 我以為佢會對我好d
佢: 點解要用碟裝住dingding d屎?
我: 棉花糖黎架!!
佢 : 我一陣返黎係咪要食?
我: 食屎啦你!
佢 : 嗱, 你自己講係屎,唔係我講呀!
我: 哼哼!
*****************************************************************
好!我唔想再提呢兩個蛋散, 我要同佢地絕交!
講返我近來買左兩樣小工具,工欲善其事 必先利其器麻!
-打蛋器想買好耐, 因為本身果部好鬼重, 打完隻手都勁攰, 行開電器舖就即刻買, 唔理牌子唔理平貴最堅要輕!
-溫度計都係一路想去買, 咁遲少少爸媽返香港可以整我老豆最愛既花生糖比佢食麻^^
好, 終於要講棉花糖,我要強調個recipe係無問題既, 問題係我自己攪笑做錯左一個步驟!
材料 :
水 - 200g
素食魚膠粉 - 4g
糖 - 80g
粟膠 - 30g
蛋白 - 60g
阿華田粉 - 1小包
做法 :1. 打好蛋白粉備用
2. 用水溶左D素食魚膠粉同埋阿華田粉
3. 倒入糖和粟膠煮至124-126度
4. 夠度數後慢慢將佢倒入蛋白, 期間要攪拌
5. 攪至可起勾時倒入唧袋
6. 用平底盤灑上阿華田粉, 將棉花糖直接唧上
攪笑位黎啦, 我係因為唧左幾粒之後掛住食, 當我再拿起唧袋時, 佢已經"瓊瓊"地, 唧出黎變左一條條, 疴(唧)完出黎既效果就變成咁啦!!左上角第二粒就係我頭round唧出黎食剩既一粒啦,睇落都唔係好樣衰ja!haha..
呢個post不論文字同圖片都超嘔心, 辛苦晒睇到尾既你....hahah
感謝 Mary 提供以上資料
