Hello !
上回講到參觀完 扇ヶ原展望台 , 時間已經係P.M.4:00 ,
本來有個叫做 Bear mt 既景點 , 不過我諗都要聽日先至得 , 依家向住酒店方向行 ,
中途仲有兩個地方要睇 , 首先第一個係 : 道の駅うりまく
今朝 滝上町 果個 道の駅 咪話非一般既 , 呢個比佢更堅 . ^^
點堅法 ? 擺好部車再話你知 .
見唔見遠處有部警車 , 黎到呢類小鎮 , 速度方面就要執生 .
鹿追町 ~ 道の駅うりまく (有張馬仔海報)
呢個 道の駅 既堅 , 就在於有乘馬體驗 .
睇下寫乜 ? 應該都估到八九成既 .
主角就係佢喇 .
Zoom近D睇過 , 雖然佢都唔算太短腳 ,
但點都及唔上沙田馬場果D咁火噴噴 , 一副戰鬥格 .
體驗乘馬 , 1人乘リ620Yen , 2人乘リ820Yen
如果有Heart上馬既話 , 入道の駅俾錢 .
うりまく 瓜幕
換個角度再睇睇佢 , 話時話 ~ 我都未試過騎馬 .
今次咁好機會 , 不過都唔敢嘗試 , 只係齋參觀 .
掛住睇隻馬仔 , 都唔記得入去裡面參觀添 , 失敗 .
呢個裝飾我鍾意 .
如果大家想體驗乘馬 , 記住呢個 道の駅 咯喎 .
好 ~ 講住咁多先 , 今晚攪到晏晒 .
聽晚星期六休息 , 禮拜再黎過啦 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
