行左個幾鐘,之後就去小瑞士花園...其實車程都幾遠,個幾鐘,花左好多時間座係車上..幸好悠悠上車多數都瞓覺,無暈車浪呢..
中途經過一間好靚既民宿,司機停一停比我地影下相..再出發..
到左小瑞士花園,有一件事好好笑...就係司機話我地知有水母表現...我仲諗水母點表演呢??
原來係水舞表現..只係噴水泉有音樂配合下水花個啲啦..好普通,無乜特別..
我地又係小瑞士花園行下影下相..台灣好快天黑,仲尼得好突然既..5點幾個天就黑晒囉..
之後我地想食雲南菜,司機帶我地去左一間食,都唔錯..
但掛住食,無影相呢..食飽就早啲返民宿休息..
因為有部份人明天會上合歡山睇日出呢..
第二朝,四點幾,老公,妹妹同媽媽,三人出發去合歡山睇日出
我就梗係留係床到大覺瞓啦..
出面仲要咁鬼凍..
以下就係佢地影返尼既相
其實真係幾靚既
佢地睇完日出返尼,我地就會去青青草原睇羊咩咩架喇..
