Hello !
上回講到參觀完 "旭山動物園" , 離開往下一站 .
下一站就係 "旭川拉麵村" , 只可惜搵料果陣實在太輕率 , 冇再三核實 ,
輸入 Mapcode 之後 , 去到既竟然係爛地一片 , 冇可能 !
(返到 "香港" 之後再上 Google 地圖搵 , 原來就在附近 , 可惜冇堅持)
搵唔到都冇辦法 , 食就始終都要食 , 食唔到拉麵就求其搵D野黎食 ,
經過便利店 , 一於駛入去睇睇 . ^^
入到去一如以往咁搵蛋糕仔 ~ 午後之紅茶 ~ 炸雞 ,
不過俾錢時又有插曲發生 , 俾錢果陣佢將盒炸雞整跌 , 有兩件跌在檯面 ,
佢講唔好意思之餘 , 仲問廚房有冇另一盒 ? 同事話冇貨喇 , 果盒係最後 .
佢諗左幾秒 , 決定果盒唔計錢 , haha ... 多謝晒喎 .
本來佢收半價既話 , 我都會照俾錢 , 既然佢免費 ,
推黎推去亦唔係我作風 , 唯有照單全收啦 . XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
食完野繼續行程 , 當時都冇乜訂方去 , 諗住直接往 "層雲峽" .
途中速度上快左小小 , 俾警車見到 , 詳情可以 Click 入下列網誌 .
截查完之後重新出發 , 去到 "黑岳纜車站" 先停車 .
Prius 既相 , 好耐冇見哩 . ^^
入去咯 , 呢個係後門 , 近住停車場 .
乜都唔駛講 , 即刻俾錢買飛 , 大人往復券 1950Yen .
仲有其他遊人 , 唔駛包場搭 .
有車到 .
謝謝光臨 , 歡迎再來 . (有中文字)
影多張先上車 .
一人坐一邊 , 唔駛側埋晒 .
坐穩就開車 .
果陣係五月尾 , 冇紅葉之餘 , 樹木亦唔夠翠綠 . =_= !!
橙色衫果位姐姐就係服務員 , 沿途講解提問 .
越上越高 .
唔知有幾高呢 ? 有冇 "札幌藻岩山" 咁高 ?
應該高過掛 ? 如果唔係D老人家都唔會嘩嘩聲 .
望落都幾高喎 .
附近連山介紹 .
前面就埋站 .
木雕紀念品 .
其他紀念品 .
入山手續 , 充滿日劇 "高海拔診療所" Feel .
上面有個展望台 , 要上好幾層 , 途中見到間食堂 .
呢度買飛 , 不過果陣未開檔 , 只係隔住玻璃影 .
終於上到呢個展望台 , 好多野影 , 先黎張地圖 .
再黎風速計 .
頭先就係由最山下上黎 .
呢個展望台 , 當然唔止得幾張啦 , 聽晚再玩過 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
