今日閱報，見到呢段文章標題，被其吸引，閱後決定公諸同好。^^↓
************************************************************
最近到一位男星的公司開會，他的公司位置既偏僻又神秘，我們需要先在附近泊好車，然後再要坐男星安排的車，接載我們直接進入公司內，對！車是直接駛入公司內落車，每一次跟這男星開會，就像傾談「反清復明」般氣氛，其實大家主要都是傾買波鞋等小事！有次開完會，我們跟男星的車子離開，一如以往司機就車我們去攞車，突然男星開腔「我送你哋走啦！」，「使乜呀！我哋有揸車呀！」，男星突然語氣變得堅持「唔好！我送你哋走啦！」，在我旁的一位編劇終忍不住撘嘴「你送我哋走，咁架車點呀!?」，男星以賤格的腔調回應「架車轉頭返嚟攞！」，「但我哋係返屋企喎!?」，「所以我咪車咗你哋返去先，方便啲吖嘛！」，「但係我哋有車喎！」，「咪話我車咗你哋返屋企，之後再返嚟攞囉！」，「點解我哋而家唔直接攞車揸返屋企呢!?」，「因為我想車你哋返屋企囉！」，我們跟男星就這樣爭持下去，眼白白看着車子駛遠，然後男星以再賤的口脗開聲「Aiya！我唔醒起有啲嘢要做，車唔到你哋返屋企，你哋唔介意不如呢度落車！」大家都知男星存心玩整蠱，最終他還是會車我們回去攞車，而這位男星已經不止一次做出這樣賤到爆的行為，有時不但為大家帶來歡樂，更可以大快人心！
賤人多的是
話說從前某次在出埠拍攝電影，我們在男星下榻的酒店房開會，某位手段低賤而令我們一直不喜歡的劇組要員，在開會期間借用了男星的廁所，此舉其實是一種權力的宣示，如廁後他回來不久，就說有其他事要先離開，而我們就繼續傾談拍攝事宜，會後男星往廁所去，突然傳出一聲「唔乸係呀!?」，男星從廁所出來，就叫人急找那要員回來，然後就繼續和我們開會，未幾要員氣沖沖回到來，男星叫要員和我們一起入廁所，伸手指着馬桶內一條浮游的「東西」，要員一看見立刻補飛「個廁所沖水唔夠力，沖唔走……！」，要員伸手欲再沖廁，卻被男星阻止「個廁所水力唔夠，你再沖都係沖唔走，你唔要嘅嘢！你咁賤放係人度嘅！你即刻執番走呀！」，然後男星遞了一張紙巾給要員，要他把東西拿走，我雖然心裏暗地叫好，但實在沒有興趣直擊及見證這個「歷屎」誕生，我回到廁所外，聽到內裏一輪擾攘後，要員急忙從廁所衝出，手托着「歷屎」，直衝出房外去，由那天起要員再不敢正視我們，人也沒之前那麼賤格！
世上賤人多的是，要對付他們，你要比他們更賤，因為只有賤到爆的人，才可以對付真正的賤人！
************************************************************
上述原文引自蘋果日報↓
【七筆思議】鄒四的夢幻之旅：賤到爆
============================================
感謝 甘蔗 提供以上資料
甘蔗的網誌: http://kentseky.blogspot.hk/
============================================
