如果您係同野人見得比較密嘅朋友仔
仲記唔記得上年11月尾。。。
DIDI右眼角入面無啦啦生左粒細細嘅瘡，令隻眼微微腫起。。。
![]()
分別睇左兩個普通科醫生，都話唔大件事
只要熱敷粒瘡+滴眼藥水就會好番
但。。。到12月，粒瘡愈變愈大，隻眼愈黎愈腫!!!!!
所以我最後帶DIDI去睇眼科
![]()
醫生話係眼瘡，因為熱敷左兩星期都冇變細
所以要挑走粒眼瘡!!!!!
但醫生表示DIDI呢個AGE最麻煩
如果係大人，坐得定
基本上喺CLICNIC打支麻醉針喺眼，然後挑走粒眼瘡就得，好簡單
如果係BB，做法都一樣，因為BB年紀仲細，大人可以控制到BB
但!!!!DIDI呢個年紀，已經好難挾實佢坐定定
所以就算係挑眼瘡咁少嘅事，都要。全。身。麻。醉。。。
一聽到全身麻醉，就諗起GORGOR上年做手術嘅"慘況"
而且要全身麻醉，覺得對小朋友唔係太好。。。
適逢野人12月中學校要聖誕表演
而且醫生話個手術唔急做(只要粒瘡唔發炎就唔急做手術)
所以就諗住表演後先再約手術時間
就咁，DIDI就帶住粒眼瘡表演。。。
![]()
認真，超級唔想DIDI為粒眼瘡而要全身麻醉咁慘
我不斷同神禱告，希望神可以親自醫治DIDI嘅眼睛
就係呢個時候。。。
虎爸喺網上見到有人用呢種洋甘菊茶包浸出嘅茶敷眼係WORK
![]()
雖然醫生話熱敷左咁多個星期都冇效
再熱敷落去作用都不大
但。。。總之我就唔想DIDI要住身麻醉
所以都盡最後綿力試試
由於我係掂唔到熱野(即係少少熱就已經好似會盪傷咁)
所以此重任就交唒俾野人婆婆&虎爸
由於粒瘡咁大，熱敷次數都好密
好似一日3餐+TEA TIME咁，一日敷4次!!!!!
網上話咁樣熱敷需要持之而行3個月
不過神嘅恩典真係夠用，而且有餘:)
熱敷左唔使一個月，粒眼瘡已變到芝麻咁細，YEAH!!
![]()
雖然變細左咁多，但恐防粒瘡變大番
熱敷仍然繼續，只係次數冇咁密
一直去到農曆新年前。。。
DIDI去完迪士尼發高燒(39-40度)
粒眼瘡都隨住退燒都冇埋
小虎話係個高燒熱一熱嘅作用，嘻嘻~~~
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
