Long Weekend之後，係超晴天星期六、日
作為太陽Super Fan嘅我，應該帶亞仔出去玩個痛快，
但.......最後兩日都留在家........事關兩個野人病倒了..........仲要晨早去埋醫院睇醫生，驚佢地肺炎!!!
小朋友病 • 可怕；餵小朋友食藥更更更可怕!!!!!!!!
過程真係好恐怖，恐怖到小虎爸覺得我好唔冷靜、覺得我想殺咗兩個仔!!!!!!!!!!(認真，佢真係有咁諗過我!!!!!!)
我真係一個好冇耐性嘅人!!!!!!對住小朋友已經算好少少
但係對住兩個野人咳到屎，又唔肯食藥，仲要D大人一D都幫唔到手，我真係真係好忟、好嬲!!!!!!!!!!!
其實我嬲，並唔係佢地嘅爭扎令到我傷痕累累，而係見佢地咳成咁都唔食藥，咁唔食藥點好呢??????真係好忟!!!!!!!!!
餵藥中期，喺我近期睇緊嘅一本教養小孩書中，提到我呢種強行餵藥法真係大錯特錯!!!!!
雖然已經開咗個頭，但既然知道係大錯特錯，就一定要改
咁當然唔係一下子就唔再"強行"啦，都係逐步逐步滲入新嘅方法
到後期差唔多好番時，唔知係咪真係嗰本書教嘅方法work，還是禱告嘅力量
佢地竟然喺唔反抗嘅情況下食藥!!!!!!!!!!!!!!!(感謝主)
睇番呢張俾佢地噴到一身藥+爆唒血管手臂嘅相
諗起當時真係好頽、好灰，但而家事後真係得啖笑，哈哈
湊小孩嘅精髓就係咁喇，正如"What U Expect when U are Expecting"講：Exhausted.....but Happy
![]( "394688_10150918483077499_18417048_n")
雖然野人病呢D事真係唔想再發生，但係凡事總有兩面
佢地喺呢個抗爭食藥過程中，講嘢能力突然特飛猛進!!!!!!!!!!!!
2歲生日會嗰時，都只係會講單字/詞語
但係而家事隔個半月，已經識講有條理嘅句子!!!!!!!!!GoooooooooD!!!!!!!
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
