七‧一長週末一開始，又係乞衣咁0既天
即係前幾日一至五好好天，星期六就陰唒天
但係都無阻我帶亞仔去玩水0既心!!!!!!!
落雨自有落雨0既安排~~~~就係帶野人去泳池玩水喇
野人咁大個仔，今次都係第一次去泳池咋，真係牛屎仔兩名.......
弟弟，你係咪醒起唔記得帶d咩呀???咁0既樣0既????
假期第二天，太陽終於對我0既呼喚有回應喇!!!!!!!SO GREAT!!!!!!!!
搞到病到嘔0既我，(唔係講笑，0個朝真係咳到嘔左2次!!!!!!)，都要應約殺到入黃金海岸咁遠!!!!!!!
要長征到咁遠，架車都要入下油，哈哈!!!!等緊0個時，黎張家庭照先~~~~
可能真係太好天，勁多人去沙灘，架車係完全駛唔入黃金海岸!!!!!!!!
唯有轉去咖啡灣~~~~~
是日耍到咁遠，係約左3個FAMILY0既小孩聚一聚
不過一張合照都冇影到....唯有影下大家行裝0既合照......嘻嘻~~~~
哥哥唔知搞咩，全程，係90% OF 全程呀!!!!!!!!!!!!!!!!都唔敢踩落D沙度呀!!!!!!
到我地差唔多玩完要走喇，佢先肯落地，仲要不斷講"不沙""不沙"
哥哥，你0既慢熱程度，可唔可以唔好慢得咁誇呢????!!!!!
唔鬼理哥哥喇~~~~我同細野人出左海暢泳
呢次係佢第一次落海暢泳，唔係佢之前唔敢，係我次次都冇著泳衣去，冇人帶佢去:P
細野人ENJOY到唔想上番水囉!!!!!!!
野人是日DRESS CODE: 背心+BOXER，我覺得去沙灘，著BOXER好似比泳褲適合好多~~~~
又係我表演臂力0既時候，飛到2隻野勁高!!!!!佢地勁開心!!!!!!
除左鍾意飛高，佢地都好鍾意我拉住佢地轉圈狂跑
沙灘就最好玩呢個喇，跌到都唔覺痛，最多成口沙,WAKAKAKA!!!!!!!
玩完沙，去番黃金海岸0個邊開餐~~~~又勉強地影左張合照..........:D
食完飯，時間尚早，周圍去逛逛
買野飲，大個仔可以自己揀，好彩冇揀啤酒0個d唔飲得0既野:P
行行下，見到有人玩泡泡槍，全部小孩即時起哄
都話泡泡槍係小孩最好0既朋友之一啦~~~~~
![2]( "2")
玩完，攰到極點，兩隻野0係車訓到死豬咁.........真爽!!!!!!!
由於我帶病上陣，真係攰上加攰，即晚要敷番個MASK令身心靈都RELAX下~~~~
不過我仍然覺得帶小孩出去玩係超開心的~~~~~~
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
