星期六，陽光好猛，應該係去沙灘0既好日子
但係plan左同野人去打水痘針
所以要暫別沙灘一個星期......(事後知道好多親朋好友都有去沙灘囉，早知擱置打針計劃!!!!!!!)
不過好天氣真係唔想白白浪費
所以打完針都要鼠去睇下屋苑玩水0個度開番未
住康城冇乜好處.....唯一好處都可以話係每年天氣開始熱....呢個地方就會開始噴番水
上年野人雖然仲未識行，只係可以企定定(我要0係後面人盯人戰術)，都已經玩到勁開心WAKAKAKAKA
除左呢度之外，我只係知道仲有迪欣湖、迪士尼同東涌有呢類型玩水0既地方
(如果大家知道邊度仲有，歡迎話俾我知，因為我家野人真係玩到好enjoy!!!!!!!)
個人認為屋苑呢個比以上3個地方好，因為以上3個地方都係石屎地，仆到會好傷
但係呢度就好好多，係軟墊地，好似野人咁仆法...都完全冇事-____-
上年哥哥唔敢玩，只係企0係場邊睇細佬玩到勁high
今年佢終於肯加入喇~~~~~
玩左一陣，2隻野都已經全濕!!!!CRAZY!!!!!!!!
CRAZY---->兩隻野飲0個度D水囉......仲要覺得好FUNNY!!!!!!!
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
