野人。兩歲。快樂

0係野人2歲前3日，收到一個天大0既好消息

野人終於有書讀喇!!!!!!重要係我最想佢地讀0個間呀!!!!!

開心到我傻左!!!!!原來真係會咁開心!原來真係試過先知係咩滋味!!!!!!!!!

野人in過0個幾間全部都係on waiting list，我一路都覺得有就有、冇就冇，再做乜都冇用~~~~

但近期有mama叫我打去學校問下or睇forum有媽媽會寫"求位信"，搞到我都心痕痕想做d野

咁我就諗住搞埋亞仔生日會，就試試寫封"求位信"啦

老實講，寫"求位信"，我心目中都只係諗住寫去而家收左亞仔0個間

因為我始終覺得.....只有真心想讀0個間，先嘔得出封求位信，表達到自己0既誠意

加上我相信人地係會感覺得到係真定假!!!!!!(可能我寫野差，呃唔到人:P)

想讀呢間有2個原因，1)鍾意佢校舍，都算大、而且有室內/外地方)

2)亦係最重要原因----->基督教

我一直相信小孩子從小就有機會認識主耶穌基督，係最為有福!!!!!

從小就可以0係主愛中成長，學習愛人如己，所有所有....我認為比起學習知識更為重要!!!!!

而且呢件事亦都俾我體會到主內0既平安

可能冇信神0既人，會同我一樣都係等結果

但係我相信我0既等待係充滿盼望，感謝主，令我再一次深深經歷袮

講番野人2歲生日，其實到前一晚都未決定好做乜

因為呢排0既天氣真係時晴時雨

所以都要plan定室內/外0既活動

事實証明我兩個仔都應該係"陽光小子"!!!!!!(因為次次佢地都係玩完要走，先落雨呀!!!!!!)

勁好天，所以就去左小虎提議0既迪欣湖野餐~~~~

我未去過0個度，閒日真係人影都冇隻........

準備野餐，我迫兩隻野自己揹個袋去，有去野餐feel d~~~~哈哈~~~~

野餐對小朋友真係好好呀，中途唔怕佢地食到好污衊，因為食完一次過先幫佢地清潔

而且食飽飽，又可以即刻去玩~~~~