![]()
0係酒店，佢地就係咁一齊訓!!!!!!年幾都冇試過一齊訓架!!!!好彩都冇乜點打交!!!!
不過唔好彩0既係，第一晚細佬咳得太緊要，發埋燒 (因為野人佢地出發前都仲係唔舒服)
好彩塞左退燒藥，都訓到覺，第2朝冇哂事!!!!!!!
![]()
去動物園，熱到佢地死!!!!冇唒心機，都話佢地唔熱得架啦~~~~~
不過都OK0既，始終香港冇乜地方有咁多動物俾佢地睇
其實佢地0係新加坡都冇乜野佢地想食+佢地可以食
所以麵包成為左佢地最佳良伴!!!!!
入到UNIVERSAL STUDIO,令到野人最興奮都係車車
興奮到影完呢張相之後，細佬就仆損左隻腳.........
最好就係佢地入左去冇耐，就開始眼訓，而且一訓就訓左個幾鐘
搞到小虎有好充裕0既時間玩佢今次0黎新加坡0既唯一重點----->TRANSFORMER
呢個TRANSFORMER 水杯，好似差D就高過哥哥,哈哈~~~~
哥哥隔離係好想訓，但訓唔到，發唒癲0既細佬
超級鍾意呢兩隻企鵝!!!!!!十分"敬業樂業"!!!!!!
最後一日，帶左亞B去水族館，睇佢地第二鍾意0既"大魚"
水族館除左室內之外，仲有室外睇海豚、海獅表演
不過等到開SHOW0個時，野人已經訓左lu......
由於新加坡真係好熱，野人全程都唔想著鞋!!!!!!
去到機場，準備返香港，佢地都冇著鞋囉!!!!!!!!!!!!
後記:
其實冇想像之中咁攰
最難頂都係佢地兩個冇一餐係可以俾我同小虎安安落落咁食餐飯!!!!!!!
同咁細個0既小朋友去旅行，千奇唔好諗住自己真係有得去0個個地方
因為要掛住照顧佢地，其實自己去過邊、做過D咩都唔係好有印象
但係都值得0既!!!!!!
因為本來我以為佢地去完就會即刻乜都唔記得哂
但當我俾番D相佢地睇0個時，佢地真係記得自己0係某處做過D乜!!!!!!
而且由於每當搭的士+去動物園0個時，都係抱住佢地(其實佢地識行，但係因為冇著鞋，所以要抱....)
而家我已經練好一對強勁0既臂彎!!!!!HAHA,有賺有賺!!!!!!!!
