2014生日飯@W28

今年既生日係平日

雖然我請左假,但老公同悠悠都返工返學

所以老公都係揀返係將軍澳食晚飯慶祝啦

佢book左假日酒店既W28扒房

一入到去,靜英英..得一個人係到用膳中

 

依度好細,得十張八張枱

但view好好,感覺都幾好檔

 

 

一個侍應放式meun,一個倒水

睇左一陣meun,另一個侍應就尼介紹佢地特別既扒

每一個set都有頭盤,有甜品

我揀左頭盤係Ham配哈蜜瓜

尼到估唔到咁大碟

老公既係鵝肝法包

依個直頭成個主菜咁呀...點似頭盤呀..

 

佢有不停供應既麵包

仲有幾唔錯既牛油

悠悠狂食左4件法包呀...

 

 

主菜我要豬扒.蕃茄.芝士

尼到原來係豬扒上面放上蕃茄同芝士焗

原來依個配搭咁好食

芝士同豬扒真係好好好夾,好香

加咗蕃茄又可以消除啲油膩感..一流~~~

而老公要左佢地今日既special

唔知乜乜牛..又話食谷飼,又話會比十日維他命佢食

不過我覺得麻麻,一來太肥膩,二來牛味太重,

牛味太重會覺得蘇呢...

但老公覺得OK...但又唔值5XX咁貴囉

最後甜品我要左心太軟

依個好失望

心太軟入面太杰身,食落好漿口

面又唔脆,而且超級甜....我食左一半就再食唔落了

 

而老公個個係橙酒pancake

我食咗一啖...OK啦..但個糖漿都係偏甜

而且個pancake淋得好緊要

 

我諗佢地個甜品係好宗於外國做法

外國人既甜品好中意食啲一pet pet

好杰好漿口既野....

所以唔岩我啦.....漏得要命~~~~

 

不過總括尼講依餐都幾好

但可以話係食環境,食服務多

而主菜都係講烹飪技巧

因為佢既用料又唔覺得係好高檔

 

最值得一讚係個侍應姐姐

成日尼同悠悠傾計

又幫我地添麵包,添牛油

服務唔錯呢~~~

 

返到屋企有驚喜

係Tony Wong 蛋糕呀

今年係第三年收 Tony Wong 蛋糕

太開心...今次係紅桑子朱古力慕絲

我最愛Tony Wong既朱古力慕絲係會加入榛子醬,超好食

而且個外型仲好靚添呢