潮媽冬至有節目

今晚雖然過了冬至，但因為要就老弟的時間，所以選了今晚做節… 對我而言，沒所謂啦！我的時間最易「話為」，哈哈… 雖然忙，但也可以就就的…

老媽不要煮，所以去酒樓吃，晚飯後回家不久，老媽竟然「收拾手袋」，我見狀心知事有QK，便問她：「你想去邊呀？」老媽的答案是：「唱K 囉～」我即時睜大雙眼望她：「下？唱K？同邊個呀？」老媽說：「同X 姨囉… 仲有邊個呀？係得呢班朋友去唱K 之嘛！」望望鐘，現在已是晚上九點了… 我想她今晚應該會玩到零晨才回來啦～

我半認真半撒嬌的對她說：「你頭先又話煮湯丸既？而家又走？邊個煮喎…」她沒好氣與我爭論，就說：「下？咁我而家煮埋比你喇～ 一陣問埋老弟吃不吃啦！」說完，隨即很快手地弄好湯丸，馬上拿手袋急急地出門了… 可憐的我又被獨留子女在家中（老爸吃完晚飯要工作，老弟與他女友去了逛街～）， 天啊！究竟我是阿媽？還是女兒呀？女兒在家等老媽？！唉～～

由於聖誕將至，為免又發生類似事件，我已一早備定案，告之我的schedule，並問她的schedule，看看我是否要出街吃飯或令找節目，可是，她的答案竟然是：「下？你咁早問？我唔知喎… 我地鐘意玩即興架嘛～ 你話我知你幾時返黎都無用啦！我都唔知煮唔煮飯！到時先算啦！」

聽到我眼都突埋～ 嘩！老媽，你是在玩我嗎？ 咁我點算呀？係咪即係我又要「食自己」？對對對，我知我是一個很「痴」老媽的傢伙… 在家不見到她就渾身不自在呢～ 唉…

老媽，可知我等得你好苦呀！！

P.S. 很久沒與老媽逛街了，所以昨天我拖著老媽逛街時，全程都沒有放開她呢！嘻嘻… 最喜歡拖老媽，有時我還會與她勾手指逛街呢～ 很sweet 的啊！老媽的手最可愛～  

============================================

感謝 旅行小粉絲 提供以上資料

旅行小粉絲的網誌: http://vleung0_0.mysinablog.com/

============================================