[沙巴旅遊攻略推介2014] 浮潛水上活動篇

沙巴亞庇(KK)熱門浮潛地點介紹

推介1 – 珊瑚灣(Usukan Cove)

新興沙巴浮潛地點，水清沙白，因為仲未有好多人知呢個地方，早去早享受，識玩一定係揀珊瑚灣。可以揀浮潛+獨木舟或浮潛+釣魚，夜晚仲可以optional加埋睇螢火蟲。

交通所需時間:

一般沙巴KK市內酒店到達珊瑚灣Usukan Cove約1.5小時。比較美人魚島，可以慳返45分鐘搭船出島時間。由於屬海灣地型，風浪比較少。

簡介及玩法:

珊瑚灣Usukan Cove其實o係著名既美人魚群島Mantanani Island附近，鄰近哥打毛律鎮 (Kota Belud)， 係沙巴一個比較新興既水清沙白浮潛理想地點。

珊瑚灣(Usukan Cove)一般可分為三個玩法。第一，體驗潛水+浮潛；第二，浮潛+獨木舟；第三，浮潛+釣魚。另外，由於佢鄰近Kawakawa河，大家仲可以一日之內玩埋睇螢火蟲同長鼻猴。如果大家想悠閒D既話，珊瑚灣仲有住宿設施，可以俾大家stay返一晚。

以最熱門既浮潛+獨木舟做例子，一般當地提供既local tour一日遊，時間大約上午7點半到下午5點半左右。包lunch，有兩次出海浮潛同大約1個鐘獨木舟。刺激既自費水上活動唔多，大家可以考慮水底漫步。如果大家有小朋友或想欣賞晚霞同螢火蟲，仲可以join埋夜晚個螢火蟲之旅。佢會包埋晚餐同有refreshment，咁就唔怕要餓住黎玩la。玩完大概夜晚9點會返到沙巴KK酒店，仲唔玩到夠?另外，珊瑚灣仲會有海龜出沒嫁，睇唔睇倒就要睇大家好唔好彩喇。

優點:

• 遠離市區，生態及水質較為理想
• 比較美人魚島，可慳返45分鐘船程
• 海灣風浪較細
• 設施比較新淨、齊備
• 自助熱盤午餐、晚餐(玩埋螢火蟲)
• 新開發景點，性價比高
• 適合大人、小朋友、老人家一齊參加
• 主要活動可揀浮潛+(潛水/獨木舟/釣魚)

缺點:

• 只有香蕉船、水底漫步自費活動，無咩其他刺激水上活動

One day tour推介:

沙巴珊瑚灣浮潛獨木舟一日遊 - [價錢] 成人$558 小童$438 [價錢包括] 午餐及點心、行程所需交通(包括酒店pick-up及乘船費用)、導遊講解(英語)、基本浮潛裝備、救生衣及蛙鞋、1小時獨木舟活動 [時間] 約8:00am - 5:30pm

沙巴珊瑚灣浮潛獨木舟夜探螢火蟲全體驗 - [價錢] 成人$898 小童$678 [價錢包括] 小食、午餐及自助晚餐、行程所需交通(包括酒店pick-up及乘船費用)、導遊講解(英語)、1小時獨木舟活動、基本浮潛裝備、救生衣及蛙鞋 [時間] 約8:00am - 9:00pm

有關沙巴珊瑚灣活動詳情、行程表及報名方法可於站內參考 - Malaysia Sabah Local Tour Expert

沙巴亞庇(KK)熱門浮潛地點介紹

推介2 – 美人魚島(Mantanani Island)

傳統沙巴著名浮潛熱點，水清沙白，水底能見度極高而受遊客歡迎。由於每日有進島人數限制，建議大家出發前預早報定local tour。

交通所需時間:

分為陸路同水路兩部分。一般沙巴KK市內酒店到達碼頭約1.5小時，再轉約45分鐘船程到達美人魚島大島(Mantanani Besar Island)。去到咁偏遠既地方，D水咁清都好合理。

簡介及玩法:

美人魚群島Mantanani Island由三個島嶼組成，位於哥打毛律鎮 (Kota Belud)外海，以前附近海域經常有瀕臨絕種既海牛出沒而命名。

美人魚島(Mantanani Island)一般可分為兩個玩法。第一，參加one day tour，one day tour可以揀選浮潛或潛水。第二就係可以考慮留宿，美人魚島附近開發左約20個潛點，每個潛點有唔同既生態特色，不過住宿設施只屬於基本級別。

呢篇文章我地會重點介紹一日遊既浮潛，由於美人魚島每日設有進島遊客限制，建議大家出發前早少少book定local tour會比較穩陣。一般當地提供既local tour一日遊，時間大約上午7點半到下午5點半左右。午餐前後各提供一次浮潛活動，大家可以有足夠時間感受美人魚島既寧靜同靚景。美人魚島比較簡樸、無咁商業化，非常適合真正想黎渡假，睇靚景既遊客。如果想黎玩刺激水上活動既人就可以揀過另外一個地點喇，島上無乜其他水上活動設施提供。另外，由於地理環境因素，美人魚島係較容易受天氣影響而導致活動取消。大家報tour時記得問清楚有關安排，而我地TravelFever明白呢個情況，我地會免費安排順延參加活動。如果想一睹美人魚島既風光，建議活動安排o係旅程既頭幾日會好D，如果有天氣影響，都可以改期進行活動。

優點:

• 遠離市區，生態及水質較為理想
• 島上設有進島人數限制，比較寧靜及relax
• 簡樸、無咁商業化
• 設有沖洗設施

缺點:

• 水上活動設施較少
• 容易受天氣影響
• 浮潛淺水區無乜魚，深潛先見到美人魚島真正實力

One day tour推介:

美人魚島Mantanani Island浮潛暢泳一日遊 - [價錢] 成人$708 小童$538 [價錢包括] 自助午餐、市內酒店PICK-UP、行程所需交通(船)、專業導遊講解、浮潛裝備及救生衣 [時間] 約7:15am - 5:30pm 有關美人魚島Mantanani Island浮潛暢泳一日遊活動特色、行程表及報名方法可於站內參考 - Malaysia Sabah Local Tour Expert

沙巴亞庇(KK)熱門浮潛地點介紹

推介3 - 東姑阿都拉曼群島公園(Tunku Abdul Rahman Park, TARP)

佢係由5個小島組成，即係大家經常聽倒既伽亞島Gaya Island, 馬努干島Manukan Island, 馬穆迪島Mamutik Island, 沙比島Sapi Island, and蘇洛島Sulug Island

交通所需時間:

分為陸路同水路兩部分。一般沙巴KK市內酒店到達碼頭約15分鐘之內，而小島只離開碼頭約15分鐘船程。交通時間短當然係佢其中一個優點啦。

簡介及玩法:

馬努干島Manukan Island及伽亞島Gaya Island 兩個小島有提供酒店住宿，如果想稍為避開白天參加一日遊既遊客，可以考慮住上一兩晚，好好享受私人沙灘及寧靜環境。

一般當地提供既local tour一日遊設定為雙島遊，時間大約上午9點到下午3點半左右。基本上沙比島Sapi Island會係必去之選，你可以睇倒水清沙幼以及藍綠色既海水，淺水區都可以見倒魚仔，浮潛絕對一流。而另一個島多數會配搭馬努干島Manukan Island或馬穆迪島Mamutik Island，島上會安排午餐，餐後可自行參加各式各樣既水上活動。呢度係沙巴KK各個熱門浮潛熱點之中，提供最為齊全及多樣化既水上活動選擇之一。而我地TravelFever首選推介雙島遊配搭為沙比島Sapi Island + 馬穆迪島Mamutik Island。馬穆迪島Mamutik Island上提供既BBQ燒烤午餐非常有質素，沙巴唔少著名酒店都係問佢地訂貨嫁。

而最後一個蘇洛島Sulug Island，應該可以講係5個島之中水質最好既小島。但以浮潛而言就唔係咁適合，因為近岸地方無咩魚同珊瑚，所以基本上都較小local tour會上呢個島玩。如果係參加潛水tour既話就有機會去呢到，水底都有幾多大魚睇倒。

優點:

• 交通方便，大約30-45分鐘可以從市區酒店到達小島
• 水上活動齊全，種類多
• 馬穆迪島Mamutik Island上BBQ燒烤午餐一流
• 乾淨及有沖洗設施
• Local tour比較平

缺點:

• 比較多人
• 水質比較其他熱門浮潛地點一般，只有沙比島Sapi Island可比較

One day tour推介:

沙巴沙比島馬穆迪島一日遊 - [價錢] 成人$498 小童$408 [價錢包括] 燒烤午餐、酒店接送、專業導遊講解(英語)、所有景點入場費 [時間] 約9:00pm -3:30pm 有關沙巴沙比島馬穆迪島一日遊活動特色、行程表及報名方法可於站內參考 - TravelFever Sabah Local Tour Expert

沙巴亞庇(KK)熱門浮潛地點介紹

推介4 - Borneo Reef World

亞洲最大消閒浮台，建於沙比島(Sapi Island)同馬努干島(Manukan Island)之間，水上活動及設施齊備。

交通所需時間:

分為陸路同水路兩部分。一般沙巴KK市內酒店到達碼頭約15分鐘之內，之後Borneo Reef World有專用雙體船接送往返碼頭，船程約15分鐘。交通時間短係佢其中一個優點。

簡介及玩法:

Borneo Reef World建於東姑阿都拉曼群島公園(Tunku Abdul Rahman Park, TARP)內，著名既沙比島(Sapi Island)就係隔離。浮台上特點係興建左一個水底隧道，唔識游水既人甚至唔駛濕身都可以睇倒水底下既珊瑚同魚。當然，如果唔介意落水就緊係join埋佢個水底漫步la，咁先叫近距離接足ma。除左設施齊全、自費水上活動選擇多外，佢仲有比玩雙島遊多一份私人空間。

一般當地提供既local tour一日遊，時間大約上午8點半到下午4點左右。價錢一般包左浮潛用品、參觀水底隧道同自助午餐。大家有興趣可以另加其他水上活動(如水上電單車、水上降傘、玩香蕉船、坐水上飛魚(FlyFish)、水底漫步、體驗潛水等)及坐船到沙比島遊覽。由於佢只係一個大型浮台，如果天氣唔穩定既話，都會有少少搖晃嫁。

優點:

• 交通方便，大約30-45分鐘可以從市區酒店到達浮台
• 水上活動齊全，種類多
• 一家大細甚至乎唔識游水既人都可以一齊去
• 乾淨及有沖洗設施

缺點:

• 水質比較其他熱門浮潛地點一般
• 如遇大風浪，會比較搖晃

One day tour推介:

沙巴Borneo Reef World一天海洋全接觸 - [價錢] 成人$498 小童$398 [價錢包括] 亞庇(KK)市內接送、雙體船接送、早上茶點及自助午餐、專業導遊講解、救生衣及浮潛裝備、水底瞭望台、淡水淋浴區、更衣室 [時間] 約8:30am - 4:00pm 有關沙巴Borneo Reef World一天海洋全接觸活動特色、行程表及報名方法可於站內參考 - Malaysia Sabah Local Tour Expert