日期：2012年2月5日
地點：香港知專設計學院
記憶中從沒去過調景嶺，因為這裏的知專設計學院正舉行「玩具天堂-香港玩具文化與創意展覽」，於是便抽空前往參觀。
一出港鐡站，便是典型的將軍澳風貌，鐵路上蓋有個大商場，四周是屋苑屋苑和屋苑，唯一的調味料就是知專設計學院。
學院很容易找，一來就在港鐵站旁，而且設計獨特，很配合設計學院的身份。我們先在學院內逛逛，不過很多地方都有警衛看守，未能亂闖。
接著前往展覽廳，面積不算大，還以為一會兒便看完。豈料展覽內容頗豐富，看完已花了整整一小時。展覽除了有舊日的玩具外，展覽的最後部分還展出學生的作品，原來舊玩具只是吸引大家來的點子，宣傳學校才是真意，不過這一著也頗成功，至少當日所見，的確是人頭湧湧，十分熱鬧。
看完展覽，本想在四周逛逛，可惜，典型的新市鎮，除了那個商場外，基本上沒有地方值得一逛，隨意坐低Tea一Tea就離開，下次再來調景嶺不知是何時了。望出窗外，是一大片空地，將來又變成大型屋苑嗎？
![]()
知專設計外型很吸引，一出港鐵站就看得見。
![]()
內部用了不少交叉作設計元素，好型仔。
![]()
這個應是演講廳，外面的花紋也很特別。
![]()
大近視都知道呢度係邊一座。
![]()
展場不算大，但展品都算幾豐富。
![]()
展覽展出不少昔日的玩具，不過咁樣整火柴盒，我就未試過嘞。
![]()
這不是傳聲筒，而是高蹻。
![]()
大踏步神情確威武，小露寶嚟嘞！
![]()
經典的石黑龍，不過個樣都幾恐怖。
![]()
呢種玩具槍，我細個都好似有。
![]()
警察玩具，唔知而家仲有無人鍾意玩呢？
![]()
令人諗起恐怖片既洋娃娃。
![]()
應該係最早期既著衫貼紙。
![]()
有啲樣衰既史諾比公仔。
![]()
我最鍾意呢個展櫃，有晒啲機械人公仔。
![]()
我以前擁有過呢個三一萬能俠公仔，我自己都唔明點解會掉咗！
![]()
有啲Cutie既大頭幪面超人。
![]()
小時候好鍾意睇天地雙龍。
![]()
呢種士兵，相信好多男仔都擁有過。
![]()
豬仔錢箱，大家有無用嚟儲過錢。
![]()
呢種機械人，我細過都有架！心口識開槍架！
![]()
買唔起屋，自己整間囉。
![]()
唔怕話畀大家知，我都玩過煮飯仔架。
![]()
呢類米老鼠電話，呢家細路仲鍾唔鍾意呢？
![]()
有啲基Feel既蝙蝠俠公仔。
![]()
現場仲有人咁大既熊貓公仔。
![]()
如果邊個細路有咁大個士兵玩具，一定勁開心。
![]()
現場還展出學生作品，這幅描繪小孩玩鉈螺。
![]()
幾可愛既插畫。
![]()
仲有信箱添！
![]()
用玩具展來推廣學生作品，知專呢招幾好。
![]()
呢隻箭豬，一支支既唔知係咪可以拎出嚟玩。
![]()
神奇女俠變免女郎，連隻鹿都無眼睇。
![]()
點心變成公仔，幾可愛吖。
![]()
廢物利用的機械人？
![]()
飛行棋盤變裙，都好Idea，不過有無人會著出街？
![]()
好得既羊羊呀！
簡簡單單既下午茶，不過就的骰咗啲。
