日期：08年12月14日
地點：西貢
這天本沒想過遊西貢，不過因事要到九龍東，不如順便坐小巴入去西貢行下啦！
一向都好喜歡西貢這個地方，熱鬧卻不覺繁囂，有山有水又不至於太隔涉！有美食有店舖卻又不會千篇一律，最適宜Hea半天！
我們先在此吃個午飯，這裏有大把選擇，不過我們貪快，隨隨便便搵間茶餐廳搞掂就算，逛完西貢墟的小店，便沿著海邊行，一路行到海灣燒烤再回頭，沿途見得最多的，就是狗，很多狗主都帶同愛犬前來散步，每隻狗都被悉心打扮，人人想愛犬成為焦點，令人覺得這裏更像是狗主大鬥法的擂台呢。我終於發現，想識女仔呀！咪學攝影啦，養隻卡娃兒的小狗啦，一定可以吸引無數女子主動埋身！
往返西貢，總會經過兩個地方，一個是匡湖居，我的Dream House！可惜都係發夢！一個是蠔涌，昔日的亞視錄音的廠房，以前我久不久都要到此工作，近期亞視風雨飄搖，再經舊地，難免又要感慨一番。
在小巴站附近有久違了的糖蒽餅及叮叮糖，五蚊雞，就買來試試吧。
水廁不是Lady嗎？怎麼變成Lazy？
西貢墟旁有條村落，有舊式理髮店，還可見蘇有朋及關芝琳的「經典」海報呀！
這隻努力想走路的鰲，令我想起海底奇兵，Nimo想逃回海中的情景。
岸邊有這種售賣海產的小艇。
超多人在此放狗，這隻老虎狗造型便甚趣緻。
這兩隻是鬆獅狗嗎？體型都頗巨大，黑色那隻簡直熊咁款，不過都有途人問：「咁大隻，唔使用狗帶咩？」我都唔識答。
行下行下就已經日落。
除咗放狗，仲好多人在此放風箏，呢位睇嚟係高手喎。
行得攰了，在海邊的石堤坐下都幾爽架。
嘩！海角七號呀！
呢隻狗仔見到樓梯就驚，即刻唔肯郁，主人點拉都拉唔郁，睇唔出佢狗仔細細，原來馬步咁穩！
路經海邊見隻紙船，徐徐地放於水面。
我就係塘邊鵝。
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
