日期：08年9月26日
地點：石硤尾白田邨
可能大家會問，啲店舖嚟自邊度？答案是租給藝術團體或藝術家，非商業租戶，每呎$3至$5，300平方呎，只不過千五蚊，好抵！早知我都話自己係藝術家，租嚟擺我啲雜物都好，至多咪話係裝置藝術囉。
眾多租戶之中，最出名就是G.O.D Museum，展出或出售眾多懷舊產品，每一樣都好有共鳴，好想全部帶回家。至於其他租戶，部分亦開放給大家參觀，逐間逛，看看藝術品，令人想起北京的798或上海的莫干山路。
G.O.D Museum的牆壁，掛滿舊信箱。
這些舊信箱，不少已經生鏽。
舊式士多汽水櫃，絕非擺設，入面真的放了汽水呢，上面還有一部舊風扇，仲識郁添。
另一面則擺放了不少模型，包括昔日的街道情景，我當年就是日日迫那些雙層巴士返學。
這種碗，我細個已經冇用咯。
連當年的理髮椅都有一部。
當年文革的宣傳海報，如今變成潮流裝飾，當然，曾經身歷其境的人，未必同意。
還有昔日內地標語，也成為家居裝飾，真係古老當時興。
細個經常玩的波子棋。
嘩！當年的《新知》呀！我都睇唔少，因為入面有露點相![]()
，左面嗰位好似係邵音音（定陳維英？）。
以前的紅雙喜啖罐，後面張相都好經典啫。
另一家租戶，還保留了昔日的洗手盆呢。
這家是造金屬雕刻，唔好問我係乜嚟。
同店另一金屬雕刻呢個我睇得出，係一個人捲起身體。
這家應該是賣畫的，不過也放置了梳化，讓參觀者休息一會。
這家清一色賣其自創公仔，都幾得意，可能將來紅過Hello Kitty架。
一樓還有一間叫「文博軒」的茶館，裝潢頗高檔，不過不算貴，每位十多元而已，家父應該會喜歡。
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
