日期：08年2月9日
地點：翔天廊
今天是赤口，見天色不錯，又休息了兩天，決定出外逛逛，不過實在太凍，還是選擇逛室內算了，想起翔天廊開幕後，尚未去過參觀，就決定到此一遊。
我和史提芬乘坐機場巴士前往，途中不少人上車，看來應該是去昂坪360的，半年前大家仲猛話好驚，而家又爭住去搭，香港人真係好善忘。
雖然翔天廊都算大，不過大多是食肆或紀念品店，不過我們也只是想出外走走，這天還是逛得頗愉快的，至少赤口日都冇嗌交吖！
二號大樓就位於一號大樓對面，過條馬路就到。
這裏有師傅示範製作龍鬚糖，我繼續搞搞震無幫襯。
嘩！連熊貓都由四川過嚟探我哋。
咦？點解佢跟姐姐走咗既？
天花設計成波浪紋，好有格調。
6樓的挑戰檑台，有好多公仔夾，包括不同表情的叮噹（其中一隻仲畀人迫到伸脷），仲有表情有啲憂鬱既蕉兄，真係「蕉」財進寶嘞。
嚟到挑戰檑台，可以玩「勁力聚焦九宮格」，考考自己既球技，亦可以扮下拳手。
鼠年梗係要探下米奇老鼠，不過，點解呢隻米奇老鼠個頭好似扁咗咁既。
隔籬既星光無間，是一間關於香港電影的展覽館，入場費$20。館內有架《頭文字D》的AE86。
仲有陳永仁同劉健明。
館內設計成錄影廠咁，有好多射燈，仲展出好多《投名狀》的戲服。
嘩！好多星呀？陳冠希呢？
這裏還有一間氧氣吧，可以在此真正「唞下氣」。
阿瑪港澳門餐廳外，有個A貨大三巴。
最後我們光顧了Double Star Cafe，史提芬點了這款焗豆配焗薯。
臨走還看到機場的日落，好美。
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
