![]()
我得承認，今屆奧斯卡得獎電影之中，我沒哪一齣看過，不過還是想嗒嗒嘴。就談談幾個要獎項吧。
最佳女配角：絕非事後孔明，當手看《穿Prada的惡魔》時，已覺得Anne Hathaway很有個性，至少面對梅麗史翠普也沒有完全被比下去，比同期如姬拉麗莉和Sarlett可塑性大得多，不過，誰料到後浪Jennifer Lawrence又湧至？
最佳女主角：仲未睇《失戀自作業》，不過幾年前睇獨立電影《Winter's Bone》，已經覺得Jennifer Lawrence前途無限，絕非馬後炮，不信可翻看我昔日之Blog，阿妹只不過22歲，仲有排玩呀！
最佳男主角：十年前點諗都諗唔到，史上首位三奪奥斯卡影帝的演員，不是積尼高遜，不是德斯汀荷夫曼，更不是羅拔迪尼路，而是來自英國的Daniel Day-Lewis，你話美國人幾大方！
最佳導演：講開大方，來自台灣的李安又奪奥斯卡最佳導演，得獎數目已追上史匹堡，比馬田史高西斯、史丹利寇比力克、羅拔艾特曼加起來還要多，人家美國人一點也不介意，但相信強國人想必妒忌不已，果然，新華社竟然Cut了李安多謝台灣的言論，真有風度！不知內地會否有憤青開始指奧斯卡淪落、質疑奧斯卡有政治陰謀之類，直至奧斯卡肯頒獎畀張藝謀或馮小剛為止。
最佳電影：我承認自己以貌取人，睇完《珍珠港》之後就覺得賓仔走懶型路線，真係估唔到佢拍出奥斯卡最佳電影，仲帶挈型佬佐治古尼擺獎（佐治古尼是Argo監製之一），抵讚啊！
