《芬妮與亞歷山大》
未講齣戲，先講一下黑仔事！
話說這齣電影在太空館播出，時間係8時20分，我7點幾喺大埔飛趕出嚟，去到尖沙咀港鐵站，係8時15分，諗住都趕到啦！不過，大家要知道，香港政府既規劃幾咁出色先得架！由半島去文化中心，我諗只有十幾米距離，但就要捐落隧道先過到去，都算嘞！點知行落隧道，頂！封咗！於是我要行到去星光行先可以過馬路，中間仲要經過嗰間仿迪士尼式的「偽保育」酒店既地盤，變成樽頸，寸步難行，結果入場已經遲咗少少，抖順條氣投入番套戲，己經半小時後的事了！
我想問，究竟政府口口聲聲話鼓勵藝術文化，係咪「葉公好龍」？連去文化中心太空館既交通咁簡單既事都做唔好（但奇怪去啲商場既交通就一定好方便），有咩資格話自己可以搞好西九？
咁耐未入正題，其實有啲對唔住導演。此片係殿堂級導演英瑪褒曼（Ingmar Bergman）最後一齣作品。片名雖叫《芬妮與亞歷山大》，不過芬妮其實極少戲，重點皆集中在飾演哥哥的亞歷山大身上，他以旁觀心應，去述說不快童年生活和家庭問題，以至宗教觀、愛情觀等，有人認為是導演一生的縮影。
電影可不是一般童年成長片，因為電影也滲入了一些魔幻的元素，難得又不會夾夾不入，更為電影增添了點點神秘色彩，父親的鬼魂、猶太人的魔法，還有亞歷山大隔空燒死主教，讓現實與魔幻共存，一起構成這個奇異的世界！
電影先鋪排老家的溫韾和愉快，這是一個不拘小節，沒有禮教伽鎖的家，再反襯主教家（其實更像監獄）的拘束，大概是反映導演反宗教的心態吧？
最後亞歷山大總算逃出魔掌，但主教的鬼魂又再出現，夢魘般的童年陰影，又怎可輕易甩去？注定是跟著主角（其實也是導演）的一生。
電影長3小時，而且故事頗沉重，但看著看著，3小時也不覺長，足見導演的功力也！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
