07年11月
律政英雄
唔計電影節，真係好耐冇入過戲院睇戲了，好懷念一邊食爆谷一邊睇戲的感覺。
假如你是木村Fans，應該會收貨。本片根本是電視劇的「加長版」和「重本版」，成本高咗（例如多了韓國的外景，不過點睇都覺得成場戲可以Cut走）、故事長咗人物多咗（不過綾瀨遙同李秉憲都可有可無）。至於木村之同事，同電視版完全一樣，但除了松隆子外全無發揮機會，可惜。
至於案件本身，並非甚麼推理，導演並不打算要大家猜猜誰是兇手，至於法庭戲，也不見甚麼精彩的對白，或大家諗唔到的反敗為勝好橋，後段木村在法庭大發偉論，仲有啲老土兼煽情添！好猜套戲總算完整，枝節豐富但又不紊亂，間中加入少少輕鬆笑料，而飾演辯方律師的演員（即松隆子老豆）演得實在出色，令人有兩強相遇之感。感情線著墨不多，但以外語來經營也算有心思。肯定比之前無線播的悶死人特別版好得多。
片中的釜山外景，真係拍得好靚，我都曾經去過釜山，搵日有時間再同大家介紹一吓。
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
