日期：08年11月15日
地點：香港→曼谷
最近全球經濟烏雲密布，是時候出外散散心，豈料來到泰國，全程也是陰天，沒甚陽光，還遇上泰王之姊逝世，更添陰霾。不過，陰天假期又如何？橫豎又不是去海邊，沒有烈日，行山時反而更加舒服，逛街也不會汗流浹背，有時過過陰天假期也不錯呢！
++++++++++++++++++++++++++
這次「陰天假期」，源於Air Asia送出免費機票，我們在某朝嘗試上網訂，哈！有飛喎，也不理泰國有乜好睇，就在半夢半醒之間Book了機票！不過，說是免費，也要付機場稅及燃油附加費，每張票也要八百幾，算唔算抵，見仁見智啦。
其實就算不是免費，票價都好平，好像百幾元而已，皆因Air Asia是廉價航空，貪平當然就有代價啦，首先，行李寄艙要付錢，飛機餐也要付錢，連茶包咖啡礦泉水都要，通常大家上機，都唔介意畀佢賺少少，不過遇著我同史提芬，佢哋就計錯數，首先，我們行李不多，全部Hand Carry，其次，我們「忍功一流」，先在機場醫肚，上機後竟然又可以唔飲水，我都好佩服自己。
航班服務其實不錯，航機好新，仲係Air Bus，乘客不多，我們可以隔個位坐，不過電影同音樂都欠奉嘞！而且時間都麻麻，將近夜晚9點先飛，去到曼谷已經10點半，又要過關（好彩唔使等行李），再花400銖左右坐的士去曼谷，到達之時，已接近凌晨了。
出發啦！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
