《Travel--where to go when》
收到朋友送贈的這本書,真的超高興,這本書是DK出版,大家都知,DK的旅遊書製作精美,而且加插很多圖解,讓旅客加深了解當地的社會文化藝術等,實在是不錯深度旅遊書,有時甚至不打算去某地旅行,齋看DK的旅遊書也很很心。
不過這本書並非Guide Book,而是不同月份的旅遊推介,全書分十二個月,每個月推介若干最合時令的景點。根據本書的推介,就可以在最適合的季節到最適合的地點旅行。
我一拿到書,便貪得意看看有沒有介紹香港,答案是有的!該書推介是1月,當然啦!難道推介人家夏天來香港出汗咩!而且1月也是春節之時(當然有時也會在2月),可以感受春節的熱鬧氣氛云云!每一章還有一個行程建議,包括去幾多日同去邊度,我一睇,本書竟然建議遊客來香港10日!當中包括那超細的迪迪尼!看來香港人未必認同呢。
我又貪得意睇下7月,咁鬼熱去邊好?該書推介美國華盛頓(7月4日是美國國慶)、奧地利薩爾斯堡、蒙古、威爾斯、加拿大卡爾加里等,愈睇愈覺吸引!可惜!無假放!
我打算9月去旅行,有乜好揀?答案是愛爾蘭、德國慕尼黑(啤酒節)、土耳其、北京(點解唔係10月?)、美國東北部(睇紅葉)、倫敦、馬來西亞沙巴、法國馬賽、納米比亞,還有希臘的Santorini,度度都想去,點揀好!
該書介紹1月去香港。
7月威爾斯的加迪夫城,真係好想即刻放假呢!
看見這張希臘Santorini的相片,係咪好有到此一遊的衝動呢?
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================