2002年世界盃，是距離我們最近的一屆，我也有幸到現場觀戰，因此可買了不少紀念品，雖然我覺得，那屆的吉祥物真係好核突！至於上屆嘛，我已過了睇足球的巔峰時期（或稱癲瘋時期），連天書也沒儲了。
乜嘢收藏品都係假，對我來說，這張世界盃門票才是最有價值。
那年中國非常非常幸運兼扶碌地打入決賽周，啲人當米路神咁拜，《星島》出的天書仲以佢做封面，仲話「中國必入8強」，唔該慳啲！
內地出版業真係一日千里，呢兩本世界盃前瞻及回顧，水準之高，香港拍馬都追唔上。
韓國為世界盃推出的郵票。
這款在世界盃紀念品買的手表，送了給某人，不過他一次都沒戴過。
那次去韓國，咁啱見到世界盃紀念可樂，諗都唔諗就買啦！
其實隨街買的可樂，都以世界盃作號召。
呢隻吉祥物，我真係見一次鬧一次。
中國難得打入決賽周，班球員就被包裝成球星，真係唔知醜。
唔知點解，呢屆我有N咁款鎖匙扣同Pins，不過有啲應該唔係買既。
06年世界盃，可樂推出的記事簿，以綠草作包裝，我好鍾意呀！
上屆可樂個世界盃廣告幾成功，特別係匿喺衣櫃嗰個男人，呢幾款可樂設計都幾靚，可惜儲唔齊。
德國隊的Pin，其實我唔係德國粉絲，不過呢件球設計真係幾靚！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
