由82年到98年，可說是我看足球的「全盛時期」，那時幾乎期期《奪標》買齊，至今仍保存了世界盃前後的一些天書，看著歷年的轉變，也可發現潮流也真的變得很快。
82年世界盃，還未瘋狂迷上足球，留下的藏品不多，這套多明尼加期和國借世界盃搵錢的郵票，選用迪士尼人物，都幾得意！
《奪標》為86年世界盃推出的預測和回顧，都已經係廿幾年前的事了，設計好簡單，簡單到等如無設計，唔知而家值唔值錢？
《奪標》為90年世界盃推出的預測和回顧，封面紙質靚了，設計也似返啲樣。
94年世界盃，《壹周刊》出現，其世界盃天書叫《世界波霸》，即刻將一件體壇盛事變得Cheap了，典型壹傳媒作風。
我也收藏了國際足協推出的世界盃回顧。
世界盃郵票，設計正路咗啲。
94年世界盃吉祥物的鎖匙扣，呢隻狗個樣好傻。
另外呢款Pin就靚好多。
因工作關係，家中收藏了亞視為世界盃印製的Polo Tee，找來多位漫畫家為球星及主持繪上畫像，我超鍾意。應該仲有兩款係巴西同哥倫比亞，唔知點解無咗。
呢件係劉雲傑畫既，將顧老闆畫到後生十年，巴治奧都好型仔。
張萬有畫既何靜江同德國馬圖斯，不是「賣飛佛」。
令人懷念的尹佬，當然是配上荷蘭，李志清繪。
很少買波衫，這件荷蘭隊不知是誰送的。
《東周刊》推出的世界盃天書，以完全唔識波的女星做封面，真可悲！
《蘋果》的天書，封面幾好。
《奪標》為98年世界盃推出的預測及回顧，封面花厘花碌，唔鍾意！乜鬼「法國抵佢贏」，完全馬後炮，難怪過多幾年就摺埋。
我又懶型買咗本日本的世界盃回顧，其實都睇唔明日文，不過製作當然勝過香港的多多聲。
亞視的世界盃Pin，設計好流！
反而搵甘小文畫既「郵票」就真係好正！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
