日期：08年12月14日
地點：香港太子酒店美味屋
聖誕節，例牌要食餐好既！這次便選擇了香港太子酒店美味屋的Dinner Buffet，每位盛惠三百幾蚊。
起初還以為經濟不好，訂位應該好容易啦！點知那天有兩間公司在此舉辦聖誕聚會（其中一間應是外資公司，睇嚟外資福利真係特別好），我們被迫坐在路口位置，其他人在就我們身邊行來行去，加上那些公司舉行抽獎活時非常嘈，稍稍影響了心情。
食物質素倒是不俗，生蠔、長腳蟹、刺生、壽司等等皆有，而且供應不絕，最特別是每桌還有一個火鍋，可以打埋邊爐添！我認為種類已很豐富，但史提芬認為比不上九龍酒店，無論如何，我們食量都一般，食到一半，已經吃不下了，只好轉攻甜品，這裏的甜品種類也極多，偶爾「放縱」一下，其實都幾開心。
適逢聖誕，餐廳有不少聖誕裝飾，極有氣氛。
生蠔幾好味，而且供應不絕。
除了生蠔，仲有青口、螺、長腳蟹，不過青口味道麻麻，螺好難食到啲肉，長腳蟹肉質也一般。
每桌會送一個火鍋及海鮮配料，唔夠的話，仲有好多和牛、金菇等火鍋材料任攞。
對上一次食長腳蟹，可能係三四年前去北海道咯。
食到一半，已覺得飽飽地，開始轉攻甜品，梳芙厘就好好味。
這裏的甜品種類極多，鍾意甜品的一定開心。
感覺上餐廳環境一般，好像擠迫了一點。
食到好飽，但見到朱古力噴泉，又好想試下喎。
每次食自助餐，最鍾意都係整夾餅食。
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
