日期：09年10月26日
地點：鶴山市沙坪鎮
這天一早起身，先去剪個髮，洗剪吹都不過廿蚊人仔，抵到吖！真係大鄉里，原來內地洗頭會幫你按埋頭肩，又幾舒服喎！
接著食過早餐，先去銀行辦點事，搞掂見還有時間，就去燦哥屋企睇睇，新居仍在裝修，但環境著實不錯！
然後回到叔叔家，恒仔一家剛好由香港來到，本來他們打算吃過午飯便回鄉探祖母，不過見時間尚早，便跟我們去睇睇樓先。第一站是凱旋城，離市中心不算遠，大概10分鐘路程，算是可以接受吧。先看一些普通單位，最特別是入屋後先有個類似露台的玄關，十分開揚，房間也頗多，露台也數不清，我還打趣說，將來買了，可以讓家父當花園。
這些單位已甚滿意，但來複式單位，立刻嘩一聲，特別是天台的大露台，鋪了木地板，很有外國Feel呢！恒仔的女兒還十分興奮地跑來跑去！地產經紀說，最平的複式不過60萬人民幣左右，其實不算太貴，但若計埋裝修，就要一百萬，是否值得就見仁見智。
感覺上凱旋城有點像香港的柏麗灣。
入口先有個花園，而且頗寬敞，種些植物，再在此歎杯茶應該幾Hea。
成間屋都唔記得有幾多間房，這邊又有個小飯廳。
這間裝修則較Grand，用水晶吊燈，不過我反而唔多鍾意。
複式單位的天台，很喜歡呀！
凱旋城的售樓部都整幅A貨拿破崙畫像。
離凱旋城不遠就是鶴山碧桂園，面積更大，而且在一個山坡上，要上去就要撐一條斜坡，這幢是碧桂園酒店。
大家睇，碧桂園幾大！！！職員說近鶴山市中心那邊已賣晒，只剩下較遠的，我們即刻沒興趣。
============================
接著再到另一樓盤堅美園，鄰近巴士總站，不過離市中心更遠，這裏的單位倒有不少選擇，包括三十平方米（即三百呎），沒有廚房，甚至沒有房間，連裝修不過十二萬，不過在內地何必買咁細單位？有人笑說：「畀人包二奶架！」不知是否屬實。
另外再看一些較大單位，間隔有點怪，例如有個超細露台，喺香港就話啫，喺內地就幾無謂！
接著職員說還有複式單位，我們又去睇睇，入到去，又係嘩嘩連聲，大廳有個橫跨兩層樓的大窗已經殺晒，樓上的天台應該大過唔少香港人屋企，問價錢，要九十幾萬人仔，燦哥說：「若在香港就值錢囉！」呢啲先係豪宅氣派嘛，使乜扮88樓？
室內未有裝修，沒有拍照，但從樓盤望落泳池，真係幾靚喎！
============================
行下行下，已經三點幾，我們買了四點車票，所以即刻過對面的巴士總站坐車走，這個車站比想像中清潔和有秩序，跟我印象中的內地巴士站完全不同，巴士還算不錯，但問題是有些座位沒有號碼，但職員又要求大家跟號碼，有些人跟有些不跟，終於搞到有爭拗！
後來終於搞掂，巴士全程三個幾鐘，本來以為重陽節會塞車，結果雖有塞車，但不算嚴重，坐了三個幾鐘，終於到深圳了，即刻過關去，重陽節當然多人，幸好還算順暢，不用半小時已過關，但上到火車，至少見到兩單爭執，人多是難免的了，花了近1小時先返到香港，散晒！
在當地聽聞高鐵將來會到鶴山，廣州去不用1小時，幾開心！可惜上網一查，高鐵並不經鶴山，新設的火車站是屬於廣珠線，好像只有貨運，噢……
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
