最近要裝修，在床下底摷出昔日的歷史書，原來都有好多本！小弟大學主修歷史－－一門被認為好沉悶的學科，當然睇過唔少人臉色，最記得有人帶點譏諷說：歷史系？就快摺啦！
其實大家對歷史都有種誤解，以為是死背資料，是書呆子讀的學科，錯！中學歷史科可能是這樣，但大學歷史著重的是資料搜集及分折，香港最後兩任港督都是讀歷史的，就是明證。
說回這些書，由中學至大學都有，有些殘晒兼發黃，有些還算新淨，雖然不捨，但看來也要掉了，各位Blog友想要的話，即管出聲（希望大家別再拿去賣錢就是了），隨便搵我。
《The Rise of Modern China》是我那個年代，預科必讀的歷史書。
這兩本講日本及中國印度史，都寫得幾清晰，條理分明。
《Europe since Napoleon》，歐洲史天書！
睇完這兩本，15世紀以來的成個歐洲史即時清楚晒。
呢本係我預科時的教科書，以Point Form形式寫，幾易明，你睇本書幾殘，就知我當年幾努力。
呢本係大學時讀的香港歷史書，對幫助了解香港的發發展，非常有用。其實香港人點都要知少少香港史既。
預科時有考印度史，不過老師好似冇乜點教，只好自修，讀得幾辛苦。不過印度史其實幾有趣，或者我對呢個國家有好感啦。
當年大學的功課，係用Wordstar（當年的Word Processing軟件）打架，攞B+架，都OK啦！
當年大學讀香港史，我的Paper係香港流行曲發展史，由50年代寫到90年代，勁！最勁係將中文歌詞譯晒做英文，譯到我吖！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
