女： 頭先個小提琴演奏會好好聽呀！
男： 睇見你聽到咁陶醉就知啦。咪睇得幾條弦線咋，都幾蝦人拉ga。
女： 如果只有一條弦線，你話演唔演奏到呀？
男： 一條弦ge琴真係有ga，佢叫獨弦琴，係京族特有ge。
女： 真係有ge咩，你唔係吹水呀嗎？
男： 有史書記載ga。早喺八世紀ge唐朝，有本叫《新唐書》ge著作已經收錄咗啦。古時ge獨弦琴主要材料係竹筒嚟ge，另外挑起一條細長ge竹皮做弦線。
女： 咁造尼個獨弦琴咪好簡單囉！
男： 相對嚟講就係ge，不過時代進步，獨弦琴已經不斷改良la，而家ge已經有埋共鳴箱，竹制ge獨弦琴仲有埋電子擴音裝置添。
女： 嘩，咁高科技ga！
男： 除咗竹制之外，仲有木制ga，想唔想知呀？
