阿強到獅城

就相片所見，1992年5月1 日，我專程到新加坡慶祝勞動節。當天我在在大排檔吃了一碗充滿勞動情操的「魚湯米線」，出了一頭勞動階層的熱汗。

當天我穿上一件 oversize 短袖恤衫，仲要「攝」件恤衫入條牛仔褲度，牛仔褲又摺腳。證明90年代的時裝充滿可能性，乜都夠膽死。我背後是商業區，其中一幢商廈係Hongkong bank，好有親切感呀。

1992年（前97年代），新加坡招攬香港人才移民到獅城。我連「星加坡」同「新加坡」都唔知有乜分別？喜歡隆冬我，從未諗過移民去獅城。

聽聞新加坡的「樟宜機場」屢奪殊榮，終於有機會見識吓。我乘「星航」抵達樟宜機場，果然靚！（對比起當時小格局的啟德機場）。而家香港國際機場都唔失禮。

由機場入到市中心，好多好多好多樹，仲係好荗盛好高嘅樹，感覺好舒服。天氣好熱好曬，我好怕熱，所以無著外套或戴頸巾。

在酒店房間看當地電視，電視台正播放荷里活電影，連kiss鏡頭都要cut走，嘩！唔怪得當時獅城人口唔多啦。

我寫的遊記，寫到這裡，字數已經多過卡臣的遊記，好！達標了，就此擱筆。

完
Sinapore ~ the great way to fly

============================================

感謝 卡臣 提供以上資料

卡臣的網誌: http://carson-chung.blogspot.hk/

============================================