大家好！又係我阿強，今次講「德國鹹豬手」。
我中學時代，在銅鑼灣光顧過「紅寶石餐廳」，它馳名「鐵板扖餐」。牛扖豬扖羊扖雞扖雜扖腸仔煎蛋，共冶一爐。其中一味是「德國鹹豬手」。用刀叉鋸肥膩豬蹄，啖啖肉。其實諗真都幾污糟，吃豬的肥腳，生前佢隻腳都唔知踩過幾多屎？
餐牌上寫「德國鹹豬手」，唔知呢味菜是否德國的特產？香港娛樂雜誌把「德國鹹豬手」借用來比喻為鹹濕佬揩油。自己對自己講：有機會，我一定要去德國嚐嚐最正宗的「德國鹹豬手」。
好！入正題了，今次講阿強遊德國柏林。
我對德國的認識，除了從「戰爭黑白紀錄片」中的二次大戰納粹黨外，必須提到以下呢一部德國電影：1987年Wim Wenders的《Wings of Desire柏林蒼穹下》；一部講天使下凡、戀上凡人的故事。電影中，天使Cassiel經常坐在一個金色的女神像上，好孤高咁遙望著柏林。我對自己說：「如果我有機會到柏林，我一定要到那紀念碑朝聖。」
結果自己終於有機會到柏林，翻查資料：電影中那神像叫：『勝利女神紀念碑（Siegessäule），座落在提爾公園（Tiergarten）的中央，是柏林著名地標之一。這紀念碑是為了紀念普魯士軍隊於1871年擊敗法軍而建立的。高達 67 公尺的紀念碑頂上有一個鍍金的勝利女神像，非常耀眼。提醒德國人別忘了民族精神。（資料來源：Utravel.com.hk）』
我在柏林找到勝利女神紀念碑，上到塔頂的瞭望台，即是金色女神的腳底。我抬頭近距離見到金色女神的面孔，由電影到親眼見到，一種「踏破千山萬水，終於來到」的感覺湧上心頭，遙望柏林風景，當咗自己是電影中的天使，終於完成了朝聖之心願。
在柏林找鹹豬手吃，在當地超市的熟食部，烤雞烤香腸都有，但偏偏無鹹豬手，吓？唔通又是一場誤會？唉~算啦，條命係生成咁，勉強唔嚟，唯有吃德國腸補數。
腦裡突然閃出念頭：食唔到「德國鹹豬手」啫，不如做「德國鹹豬手」啦！搭地鐵時乘機揩吓油。怎料柏林地鐵站中的德國女士，個個都高頭大馬，好似好打得咁款。我淆底立即唔敢放肆。總之，今次「德國鹹豬手」我食唔到又做唔到，真失敗。
完
二少爺說：想知道阿強口中所講的「勝利女神紀念碑」，可以看這個MTV：U2的《Stay》。於1分50秒，Bono就是站在神像的肩上。
