2011年3月31日(星期四)
尋晚瞓得好差…連日黎一直都落大雨同打大風，大家嘅話題都講…乜度乜度水浸車行唔倒去唔到機場…機場跑道績水取消所有航班，成千幾人滯留喺機場等機位…但係尋晚係咁多日以黎情况最好嘅一晚冇停電、冇乜風雨…今朝機場情况未知點，大家都歸心似箭…宜家執完行李去食早餐(6:55)…
早餐雖然好豐富但都冇乜胃口，接侍處安排車車我地去機場，仲建議早啲出機場...因為收到風機場好多人...
去到機場見到嘅情况比想象中更差，有啲旅客滯留機場4日，機場免費提供食物食水俾旅客...我地好好運可以準時搭機走...
攞左登機証之後就自由活動...今日天氣轉好心情又好，發覺周圍都好靚...
行去登機閘口要行過一條好長嘅走廊...有好多野賣有嘢食...
BB見到呢間舖梗係開心到大叫...雪糕呀~
估唔到銅銅小朋友見到雪糕會失控...香蕉船、甜心朱古力...杏仁...
太太至愛格仔餅+雪糕+朱古力...心情好啲野零舍好食...
呢間係香薰店，阿妹瞓身掃貨，仲買左一支貴野俾我做禮物，可惜我留左喺香港機場，俾阿妹鬧死...
見到隻機喇大家開心到震...
銅銅 : 今次唔算咖...I Will Be Back...
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
