含笑半步癲
(這篇是新寫的)
在美國某私立大學宿舍裡，一班大陸留學生無鬼聊聊，決定要在院舍裡即興搞個party開心吓。因為沒有事前準備，臨急臨忙，他們建議不如每人回房間拿出一支酒，再搗進一個大玻璃器皿內，百鳥歸巢，調出一種「超級雞尾酒」，咁樣撞酒法，就算酒量點好，一飲應該會醉。
男男女女十分興奮，紛紛回房拿酒，咁蹺人人房內都有支酒「看門口」。五分鐘後，大家攜酒和零食來到common room集合。有人拿了音響，有人帶了零食、有人拿了玻璃器皿，準備溝酒。
大家興高采烈地把自己攜來的酒搗入器皿內，既似巫婆煉藥、又似瘋狂博士做化學實驗。大家決定替這「超級雞尾酒」命名為「含笑半步癲」，同學們未飲已經十分興奮。
這盆顏色「紅中帶黃又有綠」的「含笑半步癲」，在眾人面前面世。眾人把雞尾酒斟入自己的杯，決定cheers之後乾杯。睇下邊個最先醉倒，大家心情好亢奮啊！
大嗌飲杯！大家一飲而盡，登！登！登！
灌酒入肚之後，大家面面相覷，氣氛凝結了，出現dead air。
呢種所謂「含笑半步癲」，味道淡如清水，只有少少酒味。大家互望，心知肚明。
原來眾人剛才回房間拿酒時，大家心諗︰既然大家啲酒將會溝在一起，不如將自己支酒的九成扣起，餘下一成酒加入九成清水，充成一支滿滿「超淡酒」。心諗跟其他同學的烈酒溝埋，應該無人發覺，可以糊混過關。
結果呢，大家都一齊咁做，調出來這盆超級雞尾酒「含笑半步癲」，只有10%酒精含量，其餘九成都是清水。
Party發起人為了打破尷尬，先出聲(普通話)︰「估不到正正得負，哈哈！」大家聽到一起陪笑，笑大家原來都咁古蠱，產生一種彼此的共鳴感。隨後大家都含笑，繼續party繼續講笑食嘢。
本故事改編自伊索寓言故事。
完
二少爺說︰濫竿充數的現代版。
============================================
感謝 卡臣 提供以上資料
卡臣的網誌: http://carson-chung.blogspot.hk/
============================================
