2009年11月15日 (星期日) 早上
星期曰個朝同毛媽毛毛去行松山...上一次上松山燈塔，今次行松山晨運徑。
松山宜家改變左好多，有纜車由二龍喉公園直達松山晨運徑。一圈晨運徑有1600公尺，慢慢兜個圈都要半個鐘。
朝早嘅松山好熱鬧，好多人上去跑步同晨運，仲有好多人帶埋狗狗上去散步...毛毛一去到就好生猛好開心。
今朝我仲遇番以前啲朋友，佢地仲堅持每日都跑，真係好羨慕 (我因為身體健康問題放棄跑步)...
途中遇到好多人同狗狗...毛毛表現都算冷靜，其中有隻放繩嘅史納莎，佢個名叫Echo，個樣好得意，佢通山跑但好聽話，毛毛好快就同佢做左朋友...
毛毛 : 到松山....
毛毛 : 如果你唔想行可以搭纜車上山...
毛媽 : 毛毛我地行喇...
毛爸 : 聽啲阿叔講呢啲花冬天先見到咖...
毛毛 : 你地睇吓啲狗狗隻隻都兇神惡煞...我都冇吠佢地...我算冷靜咖喇...著紅色衫隻狗狗仲猛吠我添呀...
毛毛 : 佢就係Echo喇，佢會企定定俾毛爸影相咖...
毛毛 : 防空洞另一個入口，聽毛爸講佢以前打war game嗰陣留低好多腳毛喺裏面...
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
