2009年10月24日 (星期日)
我地返到台北，喺「松山」站落車去「饒河街觀光夜市」。一出車站就望到「城皇廟」，今晚廟前地有神功戲睇...
嘩...人山人海好熱鬧呀，我地一開始就狂掃鹵水鴨舌、炸蟹、煎餃、豬腳麵線、黑糖冬瓜茶、竹筒飯、鹽水雞...仲有好多好多，我梗係狂飲狂食啦。
我又忍唔住買左自己心頭好高山茶同茶壺，太太最鍾意嘅冰梅、冬瓜黑糖，仲喺間大嘅寵物店買左個腰袋俾太太帶毛毛出街散步用...
跟住因為盤川所剩唔多所以要收隊，返到酒店附近7仔買左啲杯麵、飲品、温泉蛋聽日做早餐...
毛爸 : 城皇廟係地標黎咖...喺好遠都望到咖...
毛爸 : 呢檔有好多人排隊咖...毛媽鍾意食嘅鴨舌就喺呢檔買咖喇...
毛爸 : 竹筒飯...味道好特式，炸蟹、煎餃...毛媽至愛，鹽水雞...我必食...
毛媽 : 冰梅必買(因為毛媽鍾意食)，我睇啱個腰包(帶兩個水壺同狗狗小食兜咖)...店員話係最後一個，咁我地 "剎佢價"最終HK$88蚊成交...，薑糖係開水飲咖，飲左喉嚨好舒服...，至於茶葉就唔好講喇...毛媽鬧
毛爸 : 呢隻喺寵物店嘅狗狗小朋友好鬼得意咖...我同佢左好耐...識扮野咖...
毛爸 : 消夜、早餐必備，温泉蛋係鹵水咖...蛋黄糖心超好味，桶麵好彈牙咖...食過就心思思想再食...
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
