2009年10月24日 (星期六)
今朝好似平時咁一早就起左身，只係冇左毛毛纏住我。
拉開窗簾望街…個情况令人有啲失望，外面落緊雨，睇黎要更改部份嘅行程 (其中係去淡水影日落) 。
今日第一個目的地係「微風廣場」同「太平洋SOGO」。出發前我地喺車站附近食早餐，嗰間野門口寫住「潛艇堡」係賣潛水艇 ?…原來係賣麵包嘅，汽水仲無限添飲。
先去「微風廣場」超市買野食，仲要去佢六樓「Tokyo Hands」買皮革原材料同制作工具，好可惜買唔倒…
跟住我地就過「SOGO」，外面仲係落緊雨。我地去到「SOGO」先去十一樓嘅 「點水樓」食中午飯，我地好多年前幫襯過，到宜家依然保持高水準冇令人失望。食飽飯之後我地去左九樓寵物店買禮物俾毛毛同Coffee。太太一行出電梯就望住前面嘩嘩聲，原來係個好大好靚嘅日式人造花園，我地喺度休息同影相，跟住就同太太到樓下掃貨。由於天雨影響，決定改變行程。我地去左南港「幾米主題車站」影相，跟住返酒店休息，到傍晚再出動…
毛爸 :微風超市入口嘅麵包店，啲芝士蛋糕超好食...細細件都幾貴咖...
毛爸 : 夾麵包啲料可以自己選咖...我地叫嗰款要兩個人先食得晒咖...
毛爸 :外面有個廣場好大咖，聽講唔落雨嗰陣有好多白鴿喺度飛來飛去咖...
毛爸 : 呢間食店啲野食..好味...好食...仲好大碟咖...
毛爸 : 出面等位啲櫈全部都係古董黎咖...坐住啲古董等位真係好高檔呀...哈哈
毛爸 : 醉雞、櫻花蝦高麗菜、蟹粉豆腐煲、東坡肉、葱油餅、太太至愛...
毛媽 : 櫻花蝦好惹味...豆腐好滑好似食滑蛋咁...好味...
毛爸毛媽 : 只可以講...好靚呀....
毛爸 : 呢幅我好鍾意...
毛爸 : 呢幾幅太太好鍾意...
宜家返酒店放低啲戰利品，晏啲再出去食晚飯...
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
