是次消費：每人平均約HK$ 250.00
今年老公生日,一家三口去咗將軍澳既坑口村既意大利餐廳 Davinci Cook 食生日飯
坑口村係好似圍村咁,係一條村尼既
但入面都有多間餐廳
有泰國菜,有美國菜,有大排檔
不過過去就唔係咁方便,如果坑口地鐵出,就行大約10-15分鐘
唔係就係地鐵站轉的士,
不過啲的士司機可能會黑面囉..kaka
好,講返間餐廳先
環境唔錯,我地六點幾到,得我地一枱客
依到既食物唔可以講得上酒店級,但似依個價錢,我覺得可以接受,
都算係有用心制作既食物呢..
一座底,服務員就比左啲畫筆悠悠,係枱面張紙上畫畫
沙律好大份,好多件雞肉
意大利雲吞唔錯,牛扒都煎得幾好,不過面唔夠脆
燒春雞就比較乾身咗啲, 有進步空間..
食飽飯後,待應熄燈送上蛋糕,依個當然係我比老公既驚喜啦..
全場得三枱人,但全部人齊齊唱生日歌,好開心,好好氣氛呢 ^^
依個心太軟好好食,好香濃朱古力味...好中意依間小店咁有人情味...
(因為我問過另一間食評較好既餐廳,但佢話無做依啲服務...)
其實我覺得啲小店,係可以靈活變通下,配合下客人需要啫...
因為另一間店有幾款甜品蛋糕,都係有唧上朱古力漿既..咁唧做字樣都問題不大卦...
只係你願唔願去做啫...
所以,我好中意依間店既安排..老公仲話比多啲Tips....好開心既一晚呢..
