老點

系旺角無意間見到呢間新派點心店，好多報紙都有廣告

消暑冬瓜湯包

即係配冬瓜盅湯底嘅灌湯餃，裡面有埋夜香花，所以真係有冬瓜盅嘅感覺

黑魚子燒賣，無咩特別，只係蟹子變成黑魚子，不過黑魚子有D腥

迷你漢堡$20

出面嘅報站就話麵包自己焗嘅，呢個唔知啦！不過我知道裡面塊漢堡扒係墨魚膠，同埋沙律醬有Wasabi，有D刺激

拆開

鮮上肉響鈴腸（唔記得$20定26）

炸兩改良版，響鈴卷夠脆，而且有豬肉，都算夠味，另外一個好處就係豉油分開上，唔怕浸濕響鈴卷，不過腸粉本身唔算特別好食。

燒汁雞肉串燒球$20

即係包左雞肉粒嘅鹹水角，不過我唔係好明點解要綠色

向西嫩雞竹筒飯$24

呢度差不多每枱都有叫竹筒飯，竹筒飯真係有竹香味，唔會好似出面咁加個金屬桶。

雖然叫向西嫩雞，不過原來竹筒飯嘅雞，唔係來自東莞，更加唔係來自北方，唔會又白又滑，原來只係一隻雪雞，真係俾你『老點』WO！

另外每枱都有叫雲吞雞，其實就係雲吞+幾舊雞肉！

另外一題隔離枱叫左戚風斑蘭馬拉糕，顏色好鮮綠，完全人造色素嘅感覺，好彩無叫！

四式小甜品（全部布丁都齊曬啦，原本每個$9，兩個期，呢度$33）左至右

限定榴蓮小布丁：榴蓮唔太濃，容易入口

呂宋香芒小布丁：好多芒果肉

回歸石榴小布丁：其實都係番石榴，不過香港都好少番石榴味甜品，味道清新

一口忌廉焦糖蛋：上面嘅焦糖又熱又脆，竟然系點心店食到焦糖燉蛋！