2005-7-10 Day 10 住: Dahab HKD $120
由於係Nuwayba感覺有 d悶 ,所以今日我地返Dahab ,返到去已經晏晝lu
我地搵左另一間平 d既酒店約 HKD $120 ;
之後就決定今日既節目...釣魚 , 釣到既魚用黎晚上BBQ
於是去左市集買左 d魚排 ,同用墨魚砌粒來做魚餌 ,跟住就開始釣lu ~
今日行程
==============================================================
我一邊游吓水 ,得閒就釣吓魚 ,釣左無耐 ,我釣到條好大條既雞泡魚 !!!
不過雞泡魚有毒唔食得 ,唯有放生啦...
但係總算開齍丫... (唔知阿泰會唔會白果呢)
過左好耐好耐差不多三個鐘 ,默默耕耘既阿泰終於開齍lu ~
不過又係雞泡魚... 攪到我都灰灰地tim...
其實我一直都感到魚餌有好多魚啄 ,呢度咁近珊瑚礁應該會有好多魚 bor...
我釣既雞泡魚, 幾可愛
我就係呢度釣魚同游水架~ d 海水幾清!!!
於是我地帶住潛水鏡 ,一邊釣魚一邊望住舊魚餌 ,
竟然 d水清到可以睇到好多尺水深既魚餌woo !!!
見到起碼有五 ,六條大魚啄我舊魚餌呀 ,
有一條仲有成個人咁大既黑色珊瑚魚tim !!!
不過就釣極都釣唔到佢地上黎 ,可能係水底斜坡既關係 ,
好難先鉤到個咀 ...
正當沮喪之際 ,阿泰再次有魚上釣 ,
今次都算係一條大既珊瑚魚呀!!! yeah!!!
兩條一樣既泳褲...因為大家都無 ,所以之前係家樂福買既
釣到無晒心機
阿泰釣到啦 ,今晚有得食啦 !
==============================================================
於是我地再去市集買炭 ,一包腸仔同 d麵包返黎原位 ,
用d 起緊屋既石搭爐 ,我建議條魚用炭燒到燶晒黎食 ,
因為我之前去馬爾代夫 ,見到 d原居民係用咁既方法 ,
表面雖然燶晒 ,但揭開表面燶既魚鱗 ,
d 肉好多汁好鮮味架!!!
不過最衰阿泰係食之前係咁用清水同條魚清洗 ,仲不停灌水落個口度 ...
沖走左 d海水鹹味 ,令到無之前馬爾代夫咁好食tim !
但係都好好味呀 ~ (其實呢度 d水咁乾淨都唔使點洗丫)
食飽後就揸車上公路停埋一邊睇星星 ,又係滿天成千上萬粒星星 ,
不時有流星出現 ,突然一道光劃破長空 ,
我見到粒黎左埃及咁耐以黎最大粒既流星 ,
還以為是哈雷彗星呢!!!
(不過只係我同Milly睇到咋 ,阿泰就睇唔到lu...)
要看流星也不必一定要等到有流星雨出現呢!!!
我地就係滿天既星光下 ,度過愉快既一日 !
由於無街燈 ,我地用車頭燈照住燒野食
傻瓜機影唔到既滿天星星
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
