2007-7-9 Day 9 住:Nuwayba 約HKD$150
今日去左Dahab 北面約一個小時車程既另一個沿海城鎮Nuwayba(音"努威巴") ,
呢度有渡輪前往約旦
(起初就係唸住係呢度搭船去約旦架,如果唔係Delay左幾日既話...)
到Nuwayba左食完晏後 ,便去搵吓住宿 ,
見到有Police既旅客資訊中心 ,就入去問吓 law ,
點知d 差人話Nuwayba 最平住宿都要5 ,6百蚊一晚woo...
我死都唔信架 ,睇黎埃及既差人都係衰人...
(因為睇書同網上睇人地對埃及人既評語都係衰人黎架 )
唸住Nuwayba有碼頭,會比較發達 ,點知仲落後d...
呢度仲未發展旅遊業架 ,只有寥寥可數幾間酒店 ,
大既有希爾頓酒店 ,
其他就係好似係Dahab咁既渡假村小屋 ,當然無咁靚同落後好多啦!!!
最後用約HKD $150住一日沙灘小屋 ,足以證明埃及既差人都係衰人黎既!!!
Nuwayba街頭
酒店無人既沙灘
行程表
===============================================================
相隔一日,個肚仲係好唔舒服仲有 d頭痛同發冷tim ,
尋日食左大力係藥房買既藥都無用既...
不過瞓左一陣竟然好返woo~
於是同阿泰係海邊浮潛 ,呢度係石灘為主 ,不過海水一樣係勁乾淨清澈呀!!!
水裡有好多好多,好大好大既海膽 ,我好鍾意食架 ,
不過當時仲未識開 ,一"卜"就散晒... (依家識lu ,電視有教)
跟住無耐就玩浮潛揭開水中既石頭 ,竟然見到有隻尺幾長既...
唔知係"墨魚"還是"八爪魚" ,由於無"架餐" ,
於是立即上岸係垃圾筒搵個膠袋 ,唸住夾手夾腳捉佢挪黎晚上 BBQ ,
其間佢又噴墨 ,又吸住我地隻手 ,又走來走去 ,
最後用左好多好多時間 ,唔知有無一粒鐘 ,終於將佢制服 ,放是埋一邊飬住佢
然後繼續揭開水中既石頭 ,捉左d 海參同石頭魚挪黎玩左一陣 ,
不過同阿泰合力揭開一舊大石時 ,仲見到一條啡黑色間條既水蛇 tim!!!
嚇到我即刻"笠水"唔敢玩...
唔識死既阿泰竟然繼續自己玩...
後來聽酒店老闆講 ,呢 d 蛇無毒woo ,不過都會咬人 !
酒店老闆好好人 ,仲用針幫我挑左被海膽吉親 d刺 tim ~
晚上走左去碼頭又食燒雞 ,電視播緊係成龍 ,洪金寶 五福星系列既戲 ,
配上阿拉伯話同字幕幾得意呢~
返到酒店由於食得太飽 ,隻墨魚送左比酒店老闆 ,
於是問佢借左 d 魚排 ,潛入隔離酒店範圍既小碼頭吊魚 ,
不過大家都無收穫...
好辛苦先捉到架
石頭魚有毒架 ,我地好小心咁捉佢上黎架~
海滲都攞埋上黎玩 !
晚上係隔離酒店小碼頭見到既魚
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
