2006-10-15 Day 14 晴 住:威尼斯B&B
Euro $60
一早起身,就去參觀聞名既鐘乳洞,因為要入鐘
乳洞必需要跟tour,由於淡季,所以一日只開三
場,於是我便參觀左09:00 am頭場既tour;
參觀完鐘乳洞便拿拿臨返B&B,挪返D行李去
搭12:55pm既巴士去邊境城市再轉車往威尼
斯,點知等左好耐都無車,一問之下原來該班車
只係星期一至五(今日係星期日)下一班要
2:40pm 呀!巴士個牌又只得斯洛文尼亞文,旅
遊中心又無開,問唔到information;於是去左
一間"吧"叫左柸野飲坐吓等夠鐘...差唔多夠鐘咪
又去等車law,點知再問途人原來呢班車又
無,4:30pm先有車,之前比人"坤" tim...
最終都係搭5:10pm既火車去威尼斯,我起初唔
想搭呢班火車就係因為時間太晏...
由於鐘乳洞路線太長,所以頭段就坐兩旁的火車參觀
據導遊稱洞內呢條橋係俄羅斯戰事掘的,可以通往俄羅斯
=========================================
到威尼斯已經8:30pm lu ,一出火車站已經被呢個
咁特別既地方吸引,週圍好有藝術氣息既建築
都被水包圍著,但隨即心情由高處跌落谷底,因
為到步已經好夜,便立即係聖馬可廣場附近週
圍搵住宿,我當然搵平o個d啦~ 點知問左三間
打正旗號Hotel其實似時鐘酒店既賓館,竟然要
Euro $100,而且Full晒...(使唔使咁貴呀)個
心情當堂灰晒,搵平住宿都係死左條心啦...比
咁貴既價錢瞓d咁既住宿,我寧願瞓火車站呀!
背住個大背囊走呀走, 正當我唸住瞓街之際比
我搵都間Euro$60既住宿,一開房門真係細得
可憐,幾幅牆有數十隻蚊被人拍死既屍骸,原來
窗外樓下係放垃圾既地方,我緊係既刻關窗
啦...要$600港幣住呢d地方一d都唔值呀!!!
而且物價超貴,唔怪得我之前睇報紙講50年後
威尼斯因物價昂貴而會完全無本地人居住lu~
聖馬可廣場
寧靜的威尼斯
像時鐘賓館的房間,竟然要收Euro$60
< >
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
