2005-7-7 Day 7 住:Dahab HKD$180
當係個小鎮食完午飯後,我地便再次出發,
其間不時有軍人把守既哨站查問;
我同阿泰輪流揸左3至4個鐘頭,開始由沿海轉入山區,進入西奈山脈;
首先經過一個綠洲,名為"費藍綠洲",
之後就到全世界最古老既修道院"St.Catherine修道院"
西奈半島既荒漠,主要係遊牧民族貝"都因人",主要飼養山羊和駱駝
由沿海轉入山區
無論多偏僻都有清真寺架
費藍綠洲
好似上緊地理課咁! 返學時只係書本度才睇到綠洲,
依家就在眼前,緊要落車拍照留念啦~
最衰影左幾張相時,聽到遠處有機關槍聲,
我地驚起上黎梗係拿拿臨走人啦!!!
==========================================================
St.Catherine修道院
St.Catherine修道院是全世界最古老既修道院,
它依山而建,而該處就係"西奈山"喇! 相傳係摩西頒布十誡既地方!
而書講亦都係觀賞日出日落既好地方!
雖然我並無宗教信仰,但係既然來到,我好想入內參觀,
由於已差不多5點,仲有一大段路未走,
我見到阿泰其實有唔係好願意既表情,
不過好彩Milly都想入內參觀,最後阿泰當然要一齊啦~
其實經過呢件事,覺得幾friend都有意見不合既時候,
更加促使我之後喜歡一個人去旅行,自由自在!
由於唔可以揸車入內,所以我們步行入內參觀,
呢度有Camp site,同有住宿出租...參觀左大約一個鐘就走lu...
最遺憾就係影唔倒整個St.Catherine既靚相...
最遺憾影唔到修道院既全景
呢度就係傳說中既西奈山啦~
呢張相係上網搵既St.Cathrine修道院既全景
=======================================================
其實當駛到近費藍綠洲時,發覺開始無油,
徬徨既係連經4,5個油站都話無油供應,(吓! 油站都無油供應)
不過沿途見到有好多油車經過,但阿泰話果d係水車黎woo...
最後好彩係近St.Catherine修道院既小鎮搵到有油既油站,解決問題
====================================================
參觀完St.Catherine,便向Dahab進發,揸左兩個幾鐘頭車,
係入黑前終於到我最想去既Dahab啦~
而且有個埃及人仲話認得阿泰係年幾前住過佢間酒店tim (真定假架~)
於是用HKD$ 180 住阿泰之前住過既酒店,但依家有淡水供應lu~
據阿泰講Dahab發展得很快,年幾前只係得幾間酒店,
仲無淡水tim,但依家已經發展到有十幾廿間lu,
我唸仲會不停發展,希望唔好破壞呢度未被開發既海洋生態啦...
安頓一切後,我地食左餐海鮮宴;
不過唔知點解,呢度近咁靚既海,盛產海鮮,但只係得雪藏魚食,
可能外國人鍾意咁啦~
食完飯一個人逛左一陣,發覺當地人對我來自邊度好好奇,
可能因為極少亞洲人係呢度出現o瓜,
原途d埃及人不停順序問我,Japanese,Korean,Taiwan,Chinese...
我便回答Hong Kong,
他們通常會再講 "Jacky Chan" , Bruce Lee...
原來阿泰講埃及人勁鍾意"成龍"同"李小龍"架~
可想而知Dahab仲未被香港人開發呢!
不過我相信Dahab當成為香港既旅遊熱點前,已失去原來既風味了...
路線圖
終於到Dahab啦~
海鮮宴
我既住宿 HKD$180 低到爛呀!
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
